Elkargoko aisialdi zentro edo gazteentzako harrera gune batean lekua erreserbatu
Zure haurrak elkargoko aisialdi zentro edo gazteentzako harrera gune batean izena emana du? Asteazkenetarako edo eskola oporretarako leku bat erreserbatzeko, desmartxa sarean egin ezazu.
Eguneratzea:2024ko azaroaren 15a
Urte osoan har daiteke
Internet bidez egin liteke
Oporraldi eta/edo asteazken oro aitzin, ez ahantz lekuak erreserbatzea erreserba fitxa behar bezala bete ondoren igorriz. Dokumentu horrek haurraren presentzia egunak zehaztea ahalbidetzen du.
Lekuak egituraren harrera gaitasunari eta urteko hantatze erregulartasunari dagokien irizpideen arabera esleitzen dira, bereziki ateraldi egunen edo gaualdia duten ateraldien, familia egoeraren edo eskaeraren aurrekotasunaren arabera. Ez luza!
Aterabide pertsonalizatuak xerkatuko dira burasoen eskariak ahal bezain bat betetzeko gisan. Zaurgarriak edo gizarteratze bidean diren familien eskaerei arreta berezia eskainiko zaie.
1. urratsa: Erreserben irekitze egutegia kontsultatzen dut
Asteazkenetan
Eskola garaiko asteazkenak | Izen ematea honako datetatik aitzina |
|---|---|
| 2023ko IRAILA-URRIA 2023ko urriaren 06ko asteazkenetik 2023ko urriaren 18ko asteazkenera | 2023ko agorrilaren 7ko astelehena |
| 2023ko AZAROA-ABENDUA 2023ko azaroaren 08 asteazkenetik 2023ko abenduaren 20ko asteazkenera | 2023ko urriaren 09ko astelehena |
| 2024ko URTARRILA-OTSAILA 2024ko urtarrilaren 10eko asteazkenetik 2024ko otsailaren 14ko asteazkenera | 2023ko abenduaren 11ko astelehena |
| 2024ko MARTXOA-APIRILA 2024ko martxoaren 6ko asteazkenetik 2024ko apirilaren 10eko asteazkenera | 2024ko otsailaren 5eko astelehena |
| 2024ko MAIATZA-EKAINA-UZTAILA 2024ko maiatzaren 15eko asteazkenetik 2024ko uztailaren 03ko asteazkenera | 2024ko apirilaren 15eko astelehena |
| 20024ko IRAILA-URRIA | 2024ko agorrilaren 5eko astelehena |
Eskola oporretan
OPORRAK | Izen ematea honako datetatik aitzina |
|---|---|
| 2023ko OMIASAINDU Kurtsoen finitzea: 2023ko urriaren 21eko larunbata Berriz hastea: 2023ko azaroaren 6ko astelehena | 2023ko irailaren 25eko astelehena |
| 2023ko EGUBERRI Kurtsoen finitzea: 2023ko abenduaren 23ko larunbata Berriz hastea: 2023ko urtarrilaren 8ko astelehena | AGAZaren hestea |
| 2024ko NEGUA Kurtsoen finitzea: 2024ko otsailaren 17ko larunbata Berriz hastea: 2024ko martxoaren 4ko astelehena | 2024ko urtarrilaren 22ko astelehena |
| 2024ko UDABERRIA Kurtsoen finitzea: 2024ko apirilaren 13ko larunbata Berriz hastea: 2024ko apirilaren 29ko astelehena | 2024ko martxoaren 18ko astelehena |
| 2024ko UDA Kurtsoen finitzea: 2024ko uztailaren 06ko larunbata | 2024ko ekainaren 10eko astelehena |
2. urratsa: ene erreserba eskaera igortzen dut
Kasu: erreserba egiteko zure izen emate txostena aitzinetik ontzat emana izan behar da.
Elkargoko aisialdi zentro edo gazteentzako harrera gune batean zure haurrarentzako leku bat erreserbatzeko:
- nahi diren epealdietarako erreserba fitxa edo fitxak bete;
- dokumentuak zuzenean harrera guneko administrazio zerbitzuari posta bidez edo posta elektroniko bidez helarazi. Gure sareko aurkitegian elkargoko haurtzaindegien koordenatuak atzeman itzazu
Lurralde bakoitzak haren berezitasunak ditu, hautaturiko egituraren erreserba fitxa ongi hautatzeko axola har ezazu!
Asteazkenetarako erreserba fitxa
3. urratsa: erantzun bat eskuratzen dut
Administrazio zerbitzuaren erantzun bat eskuratuko duzu, eskatu datetan zure haurrari harrera eginen zaion edo ez baieztatzeko.
On da jakitea!
Eguneko erreserba bat ezeztatu behar baduzu, harrera eremuko administrazio zerbitzua abisatu behar duzu:
- asteazkeneko harrera egunaren aitzineko ostiralean eskola garaian;
- 72 oren lehenago oporretako egun baterako.
Huts egite oro fakturatuko da ez bada jakinarazia izan. Hau errespetatu ezean, huts egitearen ondorengo 8 egunetan aurkezturiko haurraren izenean den mediku ziurtagiriak soilik ahalbidetuko du huts egite egunaren edo egunen deskontua.
Laguntza behar dut
Euskal Hirigune Elkkargoak kudeatzen dituen aisialdi zentroei buruzko galdera ororentzako, zuzenean egiturarekin harremanetan sar. Elkargoko Aisialdi zentroen koordenatuak gure sareko aurktegian atzemanen dituzu.