Reservar ua plaça dens un arcuelh de lésers o un arcuelh joens comunautari

Abans cada periòde de vacanças e/o dimèrcs, n'oblidatz pas de reservar las plaças en tornant la ficha de reservacion devudament completada. Aqueth document que permet de precisar los dias de preséncia deus mainatges. 

Las plaças que son atribuïdas au vist de la capacitat d'arcuelh de l'estructura e de critèris relatius a l'anterioritat de la demanda, las obligacions professionaus  familiaus, la situacion familiau, la regularitat annau de frequentacion, sustot entaus dias de sortida o sejorn dab nueitadas. Ne triguetz pas !

De las solucions personalizadas que seràn recercadas au plus près de las demandas deus parents. Ua atencion particulara que serà portada sus las demandas de las familhas vulnerablas e/o en trajècte d'insercion.

Estapa 1 : Que consulti lo calendari de las oberturas de reservacion

Atencion : entà reservar ua plaça, lo vòste dossièr d'inscripcion que deu estar estat validat abans tot.

Entà reservar ua plaça en arcuelh de lésers o en arcuelh joens comunautari entau vòste mainatge : 

• plear l'o las ficha(s) de reservacion suus periòdes desirats ;
• tornar l'o los document(s) dirèctament au près deu servici administratiu deu lòc d'arcuelh per via postau o per corric. Retrobatz las coordenadas de cada estructura d'arcuelh suu noste annuari en linha.

Cada territòri qu'a las soas especificitats, prenetz suenh de plan seleccionar la ficha de reservacion de l'estructura causida !

Fichas de reservacion entaus dimèrcs

Que receberatz ua responsa deu servici administratiu entà vse confirmar o non l'arcuelh deu vòste mainatge sus las datas demandadas.