Inscríver la mea mainada dens un arcuelh de lésers o un arcuelh joens comunautari

Quiò, que podetz inscríver lo vòste mainatge a har un tribalh d'annada.

Mes que'vs raperam que las plaças son atribuïdas au vist de la capacitat d'arcuelh de l'estructura e de critèris relatius a :

• L'anterioritat de la demanda - Alavetz triguetz pas ! Consultatz lo calendari d'inscripcion.
• L'accès a l'ALSH qu'ei balhat en prioritat, a las familhas : dont los dus parents o lo parent dens l'encastre de familha monoparentau, qu'an obligacions professionaus e/o de formacion.
• La situacion familiau (mainatge portaire de Handicap, mainatge plaçat en familhas d'arcuelh / recomandacion de l'ASE, familha monoparentau e isolada).
• La regularitat de frequentacion

Ne triguetz pas !

Cada estructura d'arcuelh que possedeish los sons pròpis caracteristics e lo son pròpi projècte pedagogic mes tots los professionaus que partatjan e que pòrtan lo quitament referenciau educatiu.

Exemples d'activitats prepausadas dens los Arcuelhs de lésers de la Comunautat País Basco :

• De las activitats variadas : culturaus, ludics, manuaus, esportivas e de plen aire ;
• Deus estagis d'iniciacion e de descobèrta : natacion, equitacion, terralha, dança, pelòta, musica, teatre ;
• Mesa en plaça d'au mensh un temps hòrt per setmana (gran jòc, sortida, espectacle, etc.) ;
• Mesa en plaça de sejorns tematics dab nueitadas : a la montanha, a l'ocean ;
• Mesa en plaça d'ua planificacion d'activitats creat peus mainatges ;
• Deus projèctes o encontres dab autes arcuelhs de lésers, autas generacions, autes joens.

Retrobatz lo programa sus la ficha de cada Arcuelh de lésers comunautaris dens lo noste annuari en linha.

Participacion de las familhas

Los parents que son tienuts au pagament d'ua participacion forfaitaire en rapòrt aus dias de preséncia, per referéncia au barèma en aplicacion :

• tarifa jornada dab repaish ;
• tarifa mieja-jornada ;
• tarifa repaish (unicament aplicat en complement d'ua preséncia en ½ jornada o entaus mainatges plaçats en familha d'arcuelh e/o centre d'arcuelh especializat au títol de l'Ajuda Sociau a l'Enfança) ;
• tarifa jornada shens repaish (tarificacion aplicada unicament entaus mainatges plaçats en familha d'arcuelh e/o centre d'arcuelh especializat au títol de l'Ajuda Sociau a l'Enfança o hant l'objècte d'un Protocòle d'Arcuelh Individualizat) ;
• tarifa jornada entaus sejorns dab nueitadas.

Ua reduccion qu'ei aplicada entà la preséncia de mantun mainatge d'ua medisha familha de faiçon simultanèa : -10% a partir deu 2^ème mainatge.

La participacion demandada que cobreish la presa en carga deu mainatge pendent lo son temps de preséncia dens l'estructura, dont los repaishs principaus e las animacions e/o sortidas organizadas.

Facturacion

Las facturas que son establidas a la sortida de cada periòde . Las familhas que's deven aquitar deu lor reglament dens los 30 dias segon l'emission de la factura au près deu Tesaur Public de Baiona. Tota abséncia que serà facturada si ei pas senhalada :

• lo divés precedent entà un arcuelh lo dimèrcs pendent lo periòde escolar ;
• 72 òras abans entà ua jornada pendent un periòde de vacanças.

Modalitats de pagament

• En numerari au près deus burèus distribuïdors de la Banca Postau ;
• Per chèc bancari o postau redigit a l'ordi deu Tesaur Public, acompanhat deu talon détachable de la factura, a adreçar a : Dinereria Principau Municipau 2, avienguda Louise Darracq – BP 712 64107 BAIONA CEDEX ;
• Per pagament en linha dab los còdis referenciats sus las facturas ;
• Per prelevament automatic, formulari d'adesion e d'autorizacion a completar ;
• Per Chèc Emplec Servici Universau o desmaterializat (CESU) o Chèc Vacanças adreçat a Ostau de la Comunautat Pòle territoriau Soul-Xiberoa 11 Carrèra deus Hrairs Barrenne BP 66 - 64130 MAULEON.

En cas de dificultat financèra, qu'ei possible de s'adreçar au Tesaur Public e de demandar pagaments escalonats.

Si avetz besonh d'anullar ua reservacion de dias, que hè besonh de previéner lo servici administratiu deu lòc d'arcuelh :

• lo divés precedent entà un arcuelh lo dimèrcs pendent lo periòde escolar ;
• 72 òras abans entà ua jornada pendent un periòde de vacanças.

Tota abséncia que serà facturada si ei pas senhalada. En cas de non-respècte, sola la presentacion d'un certificat medicau au nom deu mainatge, dens los 8 dias qui segueishen l'abséncia, que permeterà la deduccion de l'o deus dias d'abséncia.