Bil ta Garbik baso berrerabilgarri alokatze zerbitzu berri bat proposatzen die tokiko gertakari antolatzaileei

Martine Bisauta Bil Ta Garbi sindikatuko lehendakariak eta Maitena Curuchet, lehendakari orde eta ekonomia zirkularraren arduradunak izan gertakari kultural, kirol-gertakari, elkarte sare edota bertako besta antolatzaileei zuzendua den baso berrerabilgarri alokatze zerbitzu berria aurkeztu dute.

Errotik berrerabiltzearen alde den sistema berri horrek gertakari bakoitzaren ondotik basoak itzultzerat akuilatzen du. Antolatzaileak basoak itzuliak izan daitezen galdetzerat sostengatuak dira, gehigarri ekologiko argi batekin eta diru irabazte batekin ere berentzat ! 

« Egun, baso berrerabilgarrien lehenengo helburuari berriz lotu nahi dugu, hau da baliabideak saihestea basoa ahal bezainbat berrerabilia izanik, botatua edo armairuan gordea izan ordez. Baso berria ekologikoki bertutetsua izan dadin, bederen 7 aldiz berrerabilia izan behar da. Bestela, 6 aldiz plastika gehiago erabiliko da botatzen den baso batentzat baino », oroitarazi nahi izan du Martine Bisauta-k. 

Zergatik basoak gibelerat itzuli ? 

Sindikatuak besta bukatzean basoak gibelerat itzultzea sustatzen du, kalkulu hori eginik : tokiko 121 gertakarietan oinarrituz, %15 galtzerekin (itzuliak ez diren basoak), 30 000 edalontzi berri ekoiztu beharko dira, hots tona 1 plastika kontsumitua.

Zerbitzu berri bat, printzipio berri bat

Lineako zerbitzua, 24o/24 eta 7e/7 eskuragarria www.biltagarbi.fr/commande-de-gobelets 

Gertakariaren kokalekuaren arabera, hornitzaile hurbilena emaiten dizu garraioen ttipitzeko.

Berritzailea : klika zonbaitzuz estimatu daiteke alokatze zerbitzuaren kostua, simulagailu baten bidez, printzipio hortan : « Gero eta baso gehiago itzuli ene gertakariaren ondotik, gero eta gastua ttipiagoa dut ».