TURBOLAB-en estreinaldia

2017an sortu zenetik, Euskal Elkargoa ekologia eta energia trantsizio eta lurralde erresilientzia erronkez jabetu da. 2024-2030 Ekonomia Garapen Eskemak, gai hauek erdigunean kokatzen ditu, enpresak laguntzeko ardatz nagusi gisa aurkeztuz.

Estrategia hau konkretuki irudikatua da urriaren 25 honetan Turbolab, aeronautika propultsio berritzailerako plataforma, estreinatuz.

Aeronautika sektorearen karbono eraginari erantzuna

Turbolab “Ipar Euskal Herria Industria Lurralde” egitasmoaren baitan abiatu da. Entsegu-banku partekatua da, proiektu eta enpresei aeronautika sektorearen karbono eraginaren aurrean erantzuten laguntzeko. Jean-René Etchegaray-k azpimarratu duenez, "proiektu hau bihar ekintza publikoari eta eragile ekonomikoen laguntzari dagokionez irudikatu behar dugunaren eredu da: Akira Technologie-ren -gure lurraldeko enpresa nagusi bat-,  ESTIA Ingeniari Eskolaren eta Euskal Elkargoaren arteko partaidetza".

Turbolab, teknologia eskualdatzeko tresna berria da, eta propultsio berritzaileen inguruan ekosistema oso bat sortzea ahalbidetzen du. Proiektuak zerbitzu prestaketendako entsegu banku bat, Ikerketa eta Garapenerako euskarri gune bat eta goi mailako irakaskuntza guneak biltzen ditu:

• Hastapeneko formakuntzan: ESTIAko ikasle ingeniarientzat, existitzen diren formakuntza moduluei egiazko bankuan lan praktikoak egiteko aukera erantsiz
• Etengabeko formakuntzan: enpresetako soldatapekoendako turbomakinen funtzionamenduaren sentsibilizaziotik hasi eta lanbide esperientzia arte eta lanbide heziketako eragileendako partaidetza (UIMM formakuntza poloa...).

Euskarri gunearen helburua Teknohirian nazioarteko saiakera zentro bat sortzea da, bai eta ikerketa katedra bat idekitzea ere. Laborategi Bateratu bat sortzea ahalbidetu du jadanik (LabCom ANR).

Egiturazko partaidetza bat

Turbolab-eko partaide bakoitzak giltzarri bat ekartzen du proiektura :

• Akira-k bere saiakera ekipamendua eta neurgailuak eskura ematen ditu, bere “saiakera ibilgailu” motorrekin batera
• Compositadour-ek laborategi eskaintza bat egituratzen du, aeronautika sektoreko industria-enpresen zerbitzura, aireko propultsio sistema osoa saiatu eta ezaugarritzeko
• Estia-k formakuntza moduluak garatzen ditu
• Euskal Elkargoak eraikina gauzatzeaz arduratu da jarduera ezberdin hauek Baionako Teknohirian hartu ahal izateko.

Ingurumen mailako eraikuntza eredugarria

Turbolab hartu duen eraikina klima aldaketaren eraginak gutxitu eta hauei egokitzeak galdetzen dituen baldintzei erantzuteko gisan pentsatua izan da:

• Betoi isolatzailea erabilia izan da erresistentzia termiko hobe batentzat eta zubi termikoak saihesteko
• Arintasun printzipioa aplikatu da estaldura eta sare ikusgarriak mugatuz. Erabilpenaren neurrira mugatzea da helburua, entsegu bankuak pareta eta zola lodiak eta forma berezi bat behar baititu.

Turbolab proiektuaren inbertsio aurrekontua