- Babes-eremu bat antolatu gehieneko uholde-muga ezagunetik gora;
- Atzeraezeko balbulak instalatu hondakin-uren sareetan;
- Aldi baterako buxadura-plakak instalatu aireztapen-ahoetan
- Ur-hesiak ezarri ate eta lehioetan. Uholdeetan instalatutako egitura bertikal horiek (aldi baterako gailuak) etxebizitzako ur-sarrerak geldiarazteko erabiltzen dira;
Uholdeetatik babesten naiz
Ipar Euskal Herrian, milaka etxebizitza daude uholde-arriskuaren eraginpean. Alerta-egoeran nola erantzun jakiteko, baina baita nola babestu jakiteko ere, segi itzazu gure aholku praktikoak.
Eguneratzea:2024ko azaroaren 28a
LAGUNTZAK ZURETZAT
Zure bizitegirako neurri egokiak gauzatzeko, aditu batek zure etxearen (edo enpresaren) diagnostikoa egitea gomendatzen da. Euskal Hirigune Elkargoak kudeatutako PAPI* baten eremuan bizi bazara, zure bizitegiaren diagnostikoa urririk eginaraz dezakezu.
Egin behar dituzun obrak Uholde Arriskuen Prebentziorako Plan (PPRI*) batek agintzen baditu edo Uholdeen Prebentziorako Ekintza Programa (PAPI*) baten esparruan egindako kalteberatasun-diagnostiko batek gomendatzen baditu, frantziar Estatuko zerbitzuen finantza-laguntza eskura dezakezu Arrisku Natural Handien Prebentziorako Funtsaren bidez.
*PAPI: Uholdeen Prebentziorako Ekintza Programa
*PPRI: Uholde Arriskuen Prebentziorako Plana
Nire lurretan isurtzen diren euri-urak biltegiratzen ditut
Zure lurretan euri-urak kudeatzea ezinbestekoa da euri-jasa handietan jariatze-fenomenoak ez larriagotzeko. Hona hemen Ipar Euskal Herrian segitu beharreko arau eta gomendioei buruzko informazio guztia.
Nire lurretan dauden ur-ibilguak zaintzen ditut
Ur-ibilgu bat dagoen lursail baten jabea bazara, zaintze -lanen legezko arduraduna zara. Ur-ibilguen zaintzeak uraren ixuria errazten du eta uholde-arriskua gutitzen du. Ezagut itzazu gure aholkuak eta laguntza praktikoak errekak zaintzeko.
Uholde-arriskuaren aurkako asurantza bat hartzen dut
Bizitegi baten jabea bazara (bertan bizi zara edo ez), etxe-asurantza bat hartu behar duzu hondamendi natural bat gertatuz kalte-ordaina jasotzeko. Bestela, uholdeak eragindako kalte guztiak zure gain izanen dira.
Hondamendi naturalen asurantza ez da nahitaezkoa, beraz arrisku horietarako asuratua zaudela egiaztatu behar duzu. Arrisku anitzeko etxe-aseguruek hondamendi naturalak barne hartzen dituzte.
Uholdeen Prebentziorako Ekintza Programetan parte hartzen dut
Uholdeen Prebentziorako Ekintza Programak Euskal Hirigune Elkargoko lurraldean garatzen dira. Uholde-arriskuaren kudeaketa globala ahalbidetzen duten tresnak dira. Lurraldeko eragileekin elkarlanean eginak dira. Parte hartzeko, informa zaitez Uholdeen Prebentziorako Ekintza Programei buruzko web-orrian.
Alerta-egoeran zer egin ikasten dut
Urak goratu aitzin
- "MyPredict" aplikazioa deskargatzen dut edo "Vigicrues" webgunea edo "Météo France" webgunea kontsultatzen dut uholde-arriskua izanez gero abisua jasotzeko;
- Nire ingurukoak, auzoak eta pertsona ahulak segurean daudela egiaztatzen dut;
- Autoa leku seguru eta garai batean ezartzen dut;
- Premiazko produktuak elkarrekin ezartzen ditut: esku-argia, ordezko pilak, sendagailuak, mantak eta ur botilak, eta telefonoa kargatzen dut.
- Kontuan hartzekoak: "MyPredict" aplikazioa eta "Vigicrues" eta "Météo France" webguneak ez dira bateragarriak laguntza teknologikoko sistemekin, pantaila-irakurgailuekin adibidez.
Alertaren berri ukan bezain laster
- MyPredict aplikazioaren bidez egoeraren berri jakiten dut;
Kontuan hartzekoa: "MyPredict" aplikazioa ez da bateragarria laguntza teknologikoko sistemekin, pantaila-irakurgailuekin adibidez. - Arrisku eremuetatik urruntzen naiz (ur-ibilguak, zuhaitzak, igogailuak, ate automatikoak, lurpeko aparkalekuak eta sotoak);
- Ur-hesiak edo hare poltsak ezartzen ditut uraren iritsiera moteltzeko, uraren irismenetik kanpo ahal dudana ezartzen dut;
- nire nortasun-paperak biltzen ditut eta Herriko etxea deitzen dut, agintariek hala eskatzen badute, harrera-lekuak ezagutzeko.
Uholdeek irauten duten artean
- Oraindik segurean ez banaiz, ez naiz nire ibilgailuaren bila itzultzen: ez naiz oinez joaten zeren urak harrapatzeko, 30 cm nahikoa baita.
- Eskolak segurean ezarri ditu nire haurrak, ez noa heien bila;
- Goiko solairuetan babesten naiz sorosleen zain egoteko; ez ditut igogailuak erabiltzen;
- Elektrizitatea, gasa eta ura mozten ditut eta produktu toxikoak goratasunean ezartzen ditut.
- Larrialdi egoera batean baizik ez dut erabiltzen telefonoa, sorosleak abisatzeko;
- Zenbaki baliagarriak:
o 15: SAMU (larrialdietako medikuntza zerbitzua)
o 18: suhiltzaileak
o 17: polizia
Uholdearen ondotik
- Herriko etxeari kalteen berri ematen diot. Zure herriak 24 hilabete ditu hondamendi naturala aitortzeko eskaera prefeturan aurkezteko. Prefetak txostenak izapidetu, aztertu eta ministerioen arteko batzordean aurkezten ditu. Ministerio arteko batzordeak hondamendi naturalaren erabakia argitaratzen du. Hondamendi natural (CAT NAT) egoeran aitortutako herrietan dauden ondasun segurtatuei bakarrik ematen zaie kalte-ordaina. Kalte-ordainen baldintzak partikularren asurantza-kontratuek finkatzen dituzte;
- Deklarazioa bidaltzen diot asurantza-etxeari, CAT NAT (hondamendi natural) erabakia argitaratu ondoan. 10 egun dituzu deklarazioa egiteko. Epea bururatu eta gero, ez duzu helegiterik aurkezteko aukerarik izanen.
- Egokitze lanak egin ditzaket nire bizilekua arriskuaren aurrean hobeki babesteko.
“Uholdeak gertatuz gero zer egin?” afixa deskargatu
Afixak, gorago aurkeztutako informazio guztia biltzen du ("Alerta-egoeran zer egin ikasten dut"). Ez da bateragarria laguntza teknologikoko sistemekin, pantaila-irakurgailuekin adibidez.
Nire etxebizitzaren kalteberatasuna murrizteko, egokitzen dut
Zure etxebizitzak uholde-arriskuaren aurrean duen kalteberatasuna murrizteko, egokitzapen-konponbideak daude. Soluzio horiek bi motatakoak izan daitezke:
- Eutsi: ura ez sartzen utzi;
- Amore eman: ura sartzen utzi. Horretarako, etxebizitza egokitu, kalteak ahal bezain bat mugatzeko.
Zure buruari pausatu behar dizkiozun galdera batzuk
- Sotoko edo beheko solairuko gelak lo egiteko tokiak al dira?
- Dokumentu administratiboak eta ondasun baliotsuak uraren helmenetik kanpo al daude?
Nire etxeko materialak kalteberak al dira?
Material kalteberen adibide batzuk: zureriak, kartoiak, igeltsuzko plakak, berina sinpleak...
- Lokiak, panel elektrikoak, argi botoiak eta alarma-sistemak uraren irismenetik kanpo al daude?
- Estekatuak al daude gas (edo fuel-olio) dupak?
- Hobien edo igerilekuen azalerak seinaleztatuak al daude?
Antolaketa adibide batzuk
- Produktu kimikoak eta/edo arriskutsuak goratasunean bildu;
- Instalazio elektrikoak segurtatu (kontagailua altxatzea, sare bereizlea...);
- Gas- eta fuel-dupak edo kanpoaldean dauden egur metak lotu;
- Balizak ezarri igerilekuen edo hobien inguruan;
- Ponpak ezarri sotoetan eta etxazpietan.
Zerbait ments zaizu?