Bainu uren kalitatea

Ene hondartzako uraren kalitatea

Kalilo aplikazioari esker, Ipar Euskal Herriko 35 bainu eremu zainduetako uraren kalitatea denbora errealean ezagutu dezakezu. 

• Ttantta urdina baldin bada, uraren kalitatea arauen araberakoa da
• Ttantta ubela baldin bada, uraren kalitatea ez da arauen araberakoa Bainatzea debekatua da

Informazioa egunean zeharetaegun guziez eguneratzen da, maiatza eta iraila artean bainu eremu guzientzako eta urte osoan Angeluko eta Biarritzeko hondartzetarako. Informazioa 4 hizkuntzatan eskuragarri da: euskaraz, frantsesez, ingelesez eta gazteleraz.

Praktikoa, Kalilo aplikazioak eguraldi eta sagailo aurreikuspenak ezagutzea eta bainu eremuen hesterik baldin bada abisatua izatea ahalbidetzen du.

Nola ebaluatzen da bainu uren kalitatea?

Ene hondartzako uraren kalitatea honakoaren arabera ebaluatzen da:

• arauzko segimendua, Akitania Berriko Eskualdeko Osasun Agentziak (EOA, fr. ARS) bermatzen duena
• kudeaketaren eguneroko segimendua, Euskal Elkargoak bermatzen duena. 

Azterturiko parametroak 2 bakteria adierazleen kontzentrazioa dira: Escherichia coli eta Enterococcus.

Hondartzetako uraren kalitatearen arauzko segimendu eta sailkapena

Sasoi guziez hondartza bakoitzeko uraren kalitatearen sailkapena finkatzen da, aitzineko 4 sasoietako arauzko analisien emaitzetan oinarriturik. Sasoi bakoitzean 10 eta 20 analisi artean egiten ditu Akitania Berriko EOAk.

Sailkapena eta analisien emaitzak hondartza guzietan presente diren informazio paneletan (sasoian zehar) eta EOAren webgunean kontsulta ditzakezu.

Euskal kostaldean hondartza guziak kalitate onean edo biziki onean sailkatuak dira

Hondartzetako uraren kalitatearen eguneroko kudeaketa

Maiatzaren 15aren eta irailaren 30aren artean eta Biarritz eta Angeluko hondartzentzako urte osoan, uraren kalitatearen denbora errealeko zaintza bermatzen du Euskal Elkargoak, herriekin elkarlanean. Bainu uren kalitatearen kudeaketa aktiboa deitzen zaio horri.

Zehazki, adierazle multzo bat hartzen da kontuan eta honakoak bezalako aurreikuspen ereduak elikatzen ditu:

• meteorologia eta itsas baldintzak denbora errealean eta hauen aurreikuspena: plubiometria, haizea, sagailoa etab.;
• saneamendu sistemen funtzionamenduaren egoera: abisua denbora errealean disfuntzio kasuan
• analisi bakteriologikoen emaitza zaluak, informazioa 3 orenen barnean ukatea ahalbidetzen dutenak, hots, bainu eremuen zaintza hasi aitzin.

Horrek ahalbidetzen du:

• eguneroko aurreikuspena: goizero, informazio bateratu horiek egunerako uraren kalitatearen aurreikuspena finkatzea ahalbidetzen dute;
• denbora errealeko erreaktibotasuna: adierazle horiek egunean zehar bilakaerarik pairatzen badute (disfuntzioa, ekaitza, euri handiak, istripuzko kutsadura, etab.), abisua ematen da eta uraren kalitatearen denbora errealeko eguneraketa egiten dute zainaldian dauden taldeek.

TVPirekin eginiko erreportaje honek bainu uren segimendua egiteko ardura duten taldeen lana erakusten du.

Informazioa nola helarazten da?

Hondartzei buruzko informazioa

Aldi baterako uraren kalitatea okertzeko arriskurik den kasuan, informazioa herriko etxeari helarazten zaio, zeinak, beharrez, zainduriko hondartzetan bandera gorri edo ubelarekin gauzatzen den prebentziozko bainuaren hestea delibera dezakeen.

Kalilo aplikazioa

Aurreikusia den uraren kalitatearen informazioa Kalilo aplikazioan denbora errealean ematen da, zeinean ttantta batez (urdina - arauen araberako kalitatea - edo ubela -kalitatea okertzeko arriskua) gauzatzen den, sokorritzaileen bainu zaintzaz kanpoko ordutegietan barne.

Sasoiko bilanak

Euskal Elkargoak urtero Ipar Euskal Herriko bainu urei buruzko datu nagusien bilduma egiten du. Besteak beste komunikatzen dira: bainu eremuen sailkapena, hantatzea, hondartzen irekitze egun kopurua, eurialdiak, etab.

Bainu profilak

Bainu profil batek bainu uren kalitatean eragindezaketen eta bainularien osasunerako arriskurik ager ditzakeen kutsadura iturriak identifikatzen ditu.

Profilak 3 puntu azkar agertzen ditu:

• uraren kalitatean eragina ukan dezaketen eta bainularien osasunean ondorioak izan ditzaketen (ad: ur zikinen isurketa) aldi baterako, iraunkor edo balizko kutsadura iturrien identifikatzea;
• epe laburrean kutsadura saihesteko plantan eman beharreko kudeaketa neurrien finkatzea (ad: prebentziozko hesteak, araztegien edo ekaitz isurgien sortzea...) ;
• uraren kalitatea zaintzea edo berreskuratzea ahalbidetuko duten ekintzen finkatzea (ad: saneamendu sarea hobetzeko lanak, ur zikinen isurketen desagerraraztea).

Profilaren bilduma eskuragarri da beherago. Bainu eremu bakoitzean ere afixatua da.