Nire laborantza-proiektua abiarazten eta garatzen dut

• Instalazio eta transmisio proiektuak daramatzaten guztiei harrera egitea;
• Entzutea, beharrak biltzeko, batez ere formakuntza osagarriari dagozkionak;
• Etapa bakoitzerako zerbitzu egokietara bideratzea;
• Instalazioaren behin-behineko egutegia egiten laguntzea;
• Banaka eta taldeka informatzea

Harremanetarako: www.installation-transmission64.fr / Tel.: 0 800 505 507

Zurkaitzak sareak, Ipar Euskal Herrian instalazioan eta transmisioan diharduten zortzi elkarte biltzen ditu. Etxalde batean finkatu nahi duten edo etxalde baten segida hartu nahi duten laborariei laguntzea du xede.

Sareak honako elkarte hauek biltzen ditu:

• ARRAPITZ: proiektu-eramaileei harrera;
• TREBATU: instalatu nahi duten hautagaiak eta transmititu nahi dutenak errezibitzen eta laguntzen ditu proiektuetan, eta formakuntzak proposatzen ditu;
• APFPB (Ipar Euskal Herriko Nekazaritza Ekoizleen Elkartea): laborantzako produktuak eraldatzeko eta merkaturatzeko formakuntza eta laguntza;
• EHLG (Euskal Herriko Laborantza Ganbera): instalatu nahi duten hautagaiak eta etxalde bat transmititu nahi dutenak laguntzen ditu txostenak osatzen;
• AFOG (Kudeaketan formatzeko elkartea): instalatu nahi duten hautagaiak eta etxaldea transmititu nahi dutenak laguntzea eta formatzea;
• AFI-ELB gazte (Formakuntza eta Informaziorako Elkartea - Euskal Herriko Laborarien Batasuna - gazte): sentsibilizazioa, animazioa eta instalazio-fasean dauden gazteen sarea sortzea
• BLE (Biharko Lurraren Elkartea): laborantza biologikoarekin lotutako tekniketan laguntzea eta formatzea;
• LURZAINDIA: lurren espekulazioaren aurkako borroka, laborantza-lurrak eskuratzea eta laborarien eskura ezartzea

Zurkaitzak sareko kideen telefono zenbaki eta emailak:

• trebatu.spcoutlookcom / 06 49 43 49 42
• afog.eus / 05 24 34 80 10
• ble-civambio.eus / 05 59 37 25 45
• http://ehlgbai.org/ 05 59 37 18 82
• elb@wanadoo.fr / 05 59 37 21 08
• https://lurzaindia.eu/ 07 81 59 65 77
• producteurs-fermiers-pays-basque.fr / 05 59 37 23 97

Lanbide garapenerako aholkularitza doako zerbitzu publikoa da, enplegatuentzat eta autonomoentzat eskuragarri dena lanbide bizi osoan.

Instalazioari edo jarduera uzteari buruzko galderei erantzuteko laguntza indibidualizatua eskaintzen du, eta birmoldaketa profesionaleko izapideetarako laguntza proposatzen du. Aholkua eska diezaiekezu Pirinio-Atlantikoetako Laborantza Ganberari, France Travail erakundeari edo Ofizialeen ganberari, bestela joan zaitez "Mon Service CEP" webgunera.

"Passerelle Paysanne", “Agriculture paysanne” laborantzaren* aldeko elkarteek eta eragileek sortutako plataforma da. Nekazaritza-proiektu bat eraikitzen laguntzeko izapideei, eragileei eta gailuei buruzko informazioa biltzen du, jatorrizko eskualdea eta instalazio-lurraldea edozein izanik ere.

Eragileen mapa bat eta informazio guztia eskuragarri daude "Passerelle Paysanne" plataformaren webgunean.

*"Agriculture paysanne" kontzeptua: laborantzak aukera ematen die Frantziako lurralde osoan zehar banatuak diren laborari gehienei beren lanbidetik duintasunez bizitzeko, giza eskalako ustiategi batean elikadura osasuntsua eta kalitatezkoa sortuz, guztiontzat eskuragarria, biharko baliabide naturalak arriskuan jarri gabe.

Jarduera sortzen ari ziren emazte batzuen energia ekintzaileak bultzaturik, ANDERE NAHIA erreferentzia bihurtu da lurraldean urteetan zehar, emazteek eramandako proiektu ekonomikoak sortzen, berrabiarazten edo garatzen lagunduz.

Lurraldeko laborantza-egitura guztiez gain, emazte-sare hori, batez ere laborarisek osatzen dutena, lanbideen feminizazioarekin lotutako gai espezifikoak aipatzeko sortu zen. ANDERE NAHIA elkartea ofizioaren inguruko elkartrukerako, eztabaidarako eta kultur sorkuntzarako lekua da, baita publiko zabalarentzat sentsibilizaziorako lekua ere. Zure enpresa sortzeko abenturan lagun zaitzake ere.

Harremanetarako: 05 59 93 76 00 – webgunea:  http://anderenahia.asso.fr/

Transmisio-instalazioaren arreta-guneak* eskaintzen duen Profesionalizazio Plan Pertsonalizatuak aukera emanen dauzu formakuntza-premia osagarriak aztertzeko. Laborantzako egitura guztiakezagutzeko eta baserrietara bisitak egiteko 21 oreneko ikastaroa eskaintzen du ere.

*PAIT64

Harremanetarako: https://www.installation-transmission64.fr/ / Tel 0 800 505 507

Baimendutako egitura laguntzaile batean egiten da, eta ondotik Lurralde eta Itsas Departamenduko Zuzendaritzari* aurkeztuko zaio, ontzat eman dezan. Hauek dira baimendutako bi egiturak:

• Pirinio Atlantikoetako departamenduko Laborantza ganbera
• Ipar Euskal Herriko Laborantza Ganbera (EHLG)

*DDTM64

Etapa honek eskatzen du aitzinetik zure proiektua lantzea, ahal bezain zehazki, helburu hauekin:

• inbestimenduaren zenbatekoa zehaztea,
• finantzaketa-aukerak finkatzea, banku-mailegua barne. Bilkura bat antolatuko da bankuan, zure egitura laguntzailearekin batera.
• zure proiekturako forma juridiko eta fiskal egokiena aukeratzea.

Gizarte segurantza gerizaeta lurrak deklaratzen dituzu bertan.

Laborantza Mutualitate Sozialaren ziurtagiria zure instalazio-txostenaren funtsezko dokumentuada. Gizarte-araubide bateko afiliatua zaidela baliozkotzen du, eta erien asurantzako eskubideak eta abar irekitzeko aukera ematen du. Zure estatusa zehazten du (kotizatzaile solidarioa, laborantza jarduera nagusia duena, bi lanbide dituena, langilea, etab.)

Harremanetarako:https://sudaquitaine.msa.fr/lfp

Zure enpresaren sortzea edo jarraipena egiaztatzen duen SIRET/SIREN zenbaki ezaguna da. 

Argibide gehiagorentzat: https://pa.chambre-agriculture.fr/gestion-de-lentreprise/je-securise-mon-entreprise/formalites-des-entreprises/

Laborantza-jarduera lanbide arautua da. Aritzeko, Pirinio Atlantikoetako departamenduko Lurralde eta Itsas Departamenduko Zuzendaritzari* eskatu behar zaion ustiapen-baimena behar da. Eskaera DDTM-ren webgunean argitaratzen da eta denek kontsulta dezakete. Bertan, eskatzailearen izen-deitura, ustiatu nahi diren lurren azaleraketa jabearen izen-deitura aurkitzen dira. Orduan, 4-6 hilabeteko kontsulta-epea irekitzen da, eta hautagai guztiek eman dezakete duten asmoaren berri.  Azkenean, Laborantza Bideratzeko Departamenduko Batzordeak esleipena eman ala ez erabakiko du, legeak finkatutako lehentasunen arabera.

*DDTM64

Argibideak hemen, DDTM64-en webgunean: 

Harremanetarako:  05 59 80 87 49 / 05 59 80 87 56

Bihurketa beharrezkoa da "modu konbentzionalean" bideratutako lursail batetik "laborantza biologikoan ziurtatutako" lurzati batera igarotzeko. Bihurketak 12 eta 36 hilabete artean irauten du, lur lantzeen arabera (urtekoak edo iraunkorrak). Zuzenekobio bihurketa posible da azken 5 urteetan sintesiko produktu kimikorik erabili ez bada. Frantses estatuak baimendutako erakunde ziurtatzaile batek bihurketa- eta kontrol-prozedura egiten ditu (guti gorabehera urtean behin).

Argibideak: https://www.produire-bio.fr/je-passe-a-la-bio/demarches-et-aides/

Formakuntza jarraikia errealitate bat da laborantzan, lanbidea etengabe aldatzen baita, eta gaitasun beraz berriak eskuratzea eskatzen duelako. Formakuntza are aberasgarriagoa da; izan ere, esparru kolektibo batean eginen da gehienetan, eta esperientzien aniztasunak bakoitzaren proiektua elikatuko du.

Informazioa eska dezakezu laborantzako erakunde hauetan, lurraldean eskuragarri dauden formakuntzen eskaintzaren berri izateko:

• https://www.arrapitz.eus/
• http://ehlgbai.org/
• https://pa.chambre-agriculture.fr/
• https://www.ossau-iraty.fr/

Negozio zenbatekoa, gastu aldakorrak, ustiapeneko soberakin gordina, amortizazioa, epe motzean eskuragarri den likidezia ... ezagutu eta kudeatu beharreko parametroak dira, etxaldearen finantza-osasun onerako erabakigarriak direlako.

Aurkitu itzazu jarraian zure etxaldearen finantza-kudeaketan lagun zaitzaketen erakundeak:

• https://afog.eus/
• http://scicader.org/
• https://www.compagnie-fiduciaire.com/trouver-un-cabinet/expert-comptable-bayonne/
• https://www.cerfrance-adourocean.fr
• https://www.cegara.asso.fr/

Lehengaien ekoizlea izatetik azken produktu baten eraldatzailea izatera pasatzeko, honako hauek ezagutzea eta menperatzea beharrezkoa da:
- osasun-arauak
- produktua eraldatzeko prozesuak
- lokal bat eraikitzea
- eraldaketa-tresnen erabilera optimizatua
- higiene- eta segurtasun-arauak

Nehor ez da bat-batean "laborantza-ekoizle" bilakatzen. Euskal Herriak esperientzia handia du arlo honetan. Laborantzako eraldaketan laguntza nahi baduzu, jar zaitez harremanetan Euskal Herriko Etxe Ekoizleen Elkartearekin.

Ekoizpena edozein dela ere, ekoizpena lanaren % 40 inguru da, gainerako denbora logistika, salmenta, bezeroen kudeaketa, jarraipen administratiboa... eta oporrak direlarik. Bezeroen gorabeherak, sare sozialetan gero eta gehiago oinarritutako komunikazioaren errealitatea, konfinamendu- eta deskonfinamendu-aldiak, moda-efektuak eta abar direla-eta, arreta berezia ezarri behar zaie salmentari eta bezeroei. Formakuntza jarraikia ezinbestekoa da egunean egoteko. Egizu klik hemen Euskal Herriko Etxe Ekoizleen Elkartearen webgunean sartzeko.

Eraldaketarako uraren kalitatea, giza osasunerako elikadura-arriskuen kudeaketa, higiene-produktuak, segurtasun-prozesuak, landareetako edo artaldeetako gaixotasun arraroak, etab. ez dira laborantzan finkatzeko arrazoiak, baina berez laborari-lanbidearen parte dira.

• DDPP64 (Direction Départementale de la Protection des Populations) / 05 47 41 33 80
• Le Groupement de Défense Sanitaire 64
• Le Centre Technique au service de la filière fruits et légumes

Nehor ez da bat-batean laborari biologikoa bilakatzen. Teknika biologikoak ikastea eta entseatzea, bihurketaren kostua kalkulatzea, aurre-bihurketako diagnostiko bat egitea, salbide egokiak aurkitzea... etapa garrantzitsuak dira etxaldearen aldaketa arrakastatsua izan dadin.  Lekuko egituren laguntzaz egin dezakezu:

• Association B.L.E Civam Bio du Pays-Basque / Tel 05 59 37 25 45
• Chambre d'Agriculture 64 / 06 24 44 00 27

Aire zabalean lan egitea, sarean egotea, zure produktua saltzea, lanbidea azaltzea, urtaroak pasatzen ikustea eta abar, motibazio azkar eta errealak dira oraindik, laborantzan belaunaldiak berritzen laguntzen dutenak. Hala ere, batzuetan ustekabekoak gertatzen dira bizian, aldi ekonomiko zailak, arazo sanitarioak edo gertakari klimatikoak, eta gertaera horiek gogoa apal eta egoera zaildu dezakete. Egoera horietan, laguntza-egiturak daude egoera gainditzen laguntzeko, moralki laguntzeko edo bankuen solaskide izateko.

“Solidarité Paysans” elkartearen webgunea - tel: 05 59 37 23 21 

DDTM64 - tel 05 59 80 88 17 / 05 59 80 86 50

Burn-out sindromea errealitatea da laborantzan ere. Prebentzio globala posible da Laborantza Mutualitate Sozialak proposatutako dispositibo bereziei esker, batez ere atsedenerako laguntza, neke profesionala gertatzen denean. Klikatu hemen LMSren "atseden hartzeko ordezkatua izan" orrian sartzeko.