Ibilaldiak Ipar Euskal Herrian

Ibilbideak Ipar Euskal Herrian

Ibilbideen Lekuko Plana

Ibilbideen Lekuko Plana, Euskal Hirigune Elkargoak egokitzen eta zaintzen dituen 93 oinezko ibilbide eta mendiko bizikleta ibilbide sare bat da. Gehienez egun bateko joan-etorriak dira.  Seinaleztapen horiari esker aurkitu daitezke.

Ibilbideen Lekuko Planaren bidexkei esker, mendien eta muinoen arteko paisaia-aniztasun handiaz goza daiteke, Ipar Euskal Herrian oraindik oso presente dauden laborantza- eta mendi-jarduerei esker zaindutako naturguneetan.

Lurraldean zehar 4 gunetan banatuak dira:

• Lapurdi mendebaldea (Urruñatik Itsasura)
• Lapurdi ekialdea (Bidaxunealdea eta Hazparnealdea, Aturrialdean);
• Nafarroa Beherea;
• Zuberoa.

Ibilbide horiek guztiak Ipar Euskal Herriko turismo-bulego guztietan salgai dauden mendi-ibilbide gidaliburuetan aurki ditzakezu. Edo Ipar Euskal Herriko Turismo Bulegoaren webgunean deskarga ditzakezu ere.

Oharra: Abian den azterlan batek sare hori osatuko du 2025ean.

GR® ibilbideak / Mendiko ibilbide luzeak 

GR®-ak (“Grande Randonnée” ibilbideak) hainbat departamendu zeharkatzen dituzten ibilbideak dira, eta distantzia luzeetara oinez bidaiatzeko aukera ematen dute. Pirinio Atlantikoetako Departamenduak egokitzen eta zaintzen ditu. Seinaleztapen gorri eta zuriari esker aurki daitezke.

6 GR® ibilbide luzeko ibilbidek Ipar Euskal Herria zeharkatzen dute:

• GR® 10a: Pirinioen zeharkaldia - Hendaiatik Santa Graziraino : Hasieran, Hendaia, Ozeano Atlantikoaren ertzean, gero lehen tontorra, Larrun eta Sara, Ainhoa, Bidarrai euskal herriak. Irulegiko mahastia bistan, Baigorri zeharkatzen Donibane Garazira iritsi baino lehen;
• Itsasertzeko GR® 8a, Hendaiatik Angelura. Ipar Euskal kostaldearen bi muturretan, Donibane Lohizune, Biarritz eta Angeluko itsas pasealekua zeharkatzen ditu;
• GR® 65a, Puy-ko bidea - Done Jakue bidea. Arüe eta Izura arteko zatia UNESCOren Munduko Ondare gisa sailkatua da. Bide hau Donibane Garazira heltzen da, Orreagako igoera mitikoa aitzin. Bidean: Xibaltarko hilarria, Olhaibi eta Haranbeltzeko kaperak, Jondoni Jakobe atea Donibane Garazin, UNESCOren munduko ondare gisa ere sailkatua dena;
• GR® 78a, Pirinioaurreko bidea - Pirinioetako mendi-oinean Mauletik, Urdiñarbetik eta Gameako lepotik barna doan Done Jakue bidea. Bidean: Ospitalepeako eliza erromanikoa, Mauleko gaztelua.
• GR® 654a – Vézelay-ko bidea - Ozaraindik Ipar Euskal Herria zeharkatzen duen eta Donapaleura iristen den Done Jakue bidea. Vezelay-ko, Puy-ko eta Tours-eko bideak Xibaltarko hilarrian elkartzen dira, Donapaleuko jalgibidean, Soihartzeko kaperarako bidean.
• GR® 655a – Tours-eko bidea - Euskal Herri iparraldetik datorren Done Jakue bidea. Vézelay-ko, Puy-ko eta Tours-eko bideen elkargunea Xibaltarko hilarrian, Burgue-Erreitiko kapera eta zubia, Erdi Aroko Garrüze herria.

Nature64 webgunean aurki ditzakezu GR®-ei buruzko informazio eta ibilbide guztiak.

Mendiko edozein jardueratarako praktika egokiak

Jendea bizi dira mendian eta baserrialdean, eta bertan lan egiten du! Erabiltzaile guztien arteko bizikidetza ona ahalbidetzeko, honako praktika egoki hauek errespetatzera gonbidatzen zaituztegu.

Abiatu aitzin, presta zaitez

• Ez abiatu beharrezko materiala gabe (mapa, ura, jantzi egokiak...);
• Ahalaz, ez joan bakarrik edo norbait abisatu (senide bat, Herriko etxea);
• Ez edan erreketako ura eta ez bainatu bertan;
• Eguraldi iragarpenei beha ezazu
• Informa zaitez suei buruz edo ehiza-garaiei buruz.

Behar bezala aparkatu eta zirkulatu

• Baimendutako bideetan ibil zaitez. Zalantzarik baduzu, ez sartu!
• Murriztu ezazu abiadura artalde batekin topo egiten baduzu;
• Prestatutako lekuetan eta aparkalekuetan aparka zaitez.

Natura zaindu

• Eramazu poltsa bat zure hondakinak eta komuneko papera biltzeko;
• Begiratu animaliei urrundik, isilik;
• Ez bildu basa-lorerik, baiarik eta onddorik baimenik gabe;
• Errespetatu seinaleak eta egon markatutako xendretan;
• Ez piztu surik eta ez bota zigarreta muturrik.

Errespetatu gainerako erabiltzaileak eta laborantza-jarduerak

• Hesiak itxi;
• Ez eraman txakurrarekin mendira zoazenean; bestela, eutsi uhalarekin;
• Ez saiatu animaliak ukitzen edo elikatzen;
• Errespetatu ibilbideen bazterretan diren etxeak.

Lekukotasuna

Azkainen laborari eta artzain transhumantea den Patxi Etchart, mendian bizi da egunero. Bideoan azaltzen digu zergatik arau batzuk errespetatu behar diren erabiltzaile guztien arteko bizikidetza ona bermatzeko.