Declarar la mea taxa de sejorn

Que voletz tot compréner taxa de sejorn ? Rendètz-vos sus la pagina « la locacion d'un moblat de torisme a País Basco »

La tarifa de la taxa de sejorn deu vòste ben que vària segon :

• la soa localizacion (comuna) ;
• la soa natura : cramba d'òste, jasença, ostaleria, campatge, etc. ;
• lo son classament : nombre d'estelas, etc.

Volhatz notar la tarifa a aplicar en foncion de la vòsta situacion.

Cas n°1 :

Entaus bens situats sus las 24 comunas de la zòna tenuda, la creacion deu vòste compte sus la platafòrma de teledeclaracion de la taxa de sejorn que'vs permeterà automaticament de har la declaracion deu vòste ben.

Un còp lo vòste compte creat, un numèro d'enregistrament que'vs serà desliurat . Eth se substitut au document CERFA normaument demandat entà un moblat de torisme. Qu'ac deuratz obligatòriament har aparéisher sus cadua de las vòstas anóncias en linha.

Atencion, que devetz abans tot aver hèit la vòsta demanda de cambiament d'usatge. Si sabetz pas çò qui ei lo cambiament d'usatge, que consultatz la nosta pagina d'informacions « la locacion d'un moblat de torisme a País Basco »

Cas n°2 :

Entaus 134 autes comunas, la creacion deu vòste compte sus la platafòrma de teledeclaracion de la taxa de sejorn que'vs permeterà automaticament de har la declaracion deu vòste ben. 

Un còp lo vòste compte creat, que'vs serà demandat de completar un formulari, corresponent au document CERFA. Que conservaratz aqueth document .

Aquera estapa que consisteish a collectar l'argent au près de la vòsta clientèla.

Qu'existeish mantua condicion :

• Sia qu'ei la vòsta platafòrma de comercializacion qui la collècta entà vosautas (AirBnb, Abritel, etc.) : entà saber si ètz dens aqueth cas, ce connectatz sus l'o las platafòrmas qui utilizatz e qu'espiatz las informacions suus TVA, taxas e fresc.
• Sia que la collectatz en dirècte, qu'ei a díser que passatz pas per ua platafòrma o qu'aquera darrèra ne la collècta pas entà vosautas.

Dens los dus cas, que devetz declarar aquera taxa dirèctament sus la platafòrma de teledeclaracion o au près deu servici taxa de sejorn ! 

A saber ! Quan vse collectar « en dirècte » la taxa de sejorn, que'u podetz includir dirèctament dens la vòsta tarifa (a ajustar en suplement), sustot dens lo cas on lo vòste client desira pagar abans lo son sejorn. Senon, que calerà pensar a collectar la soma au près deu vòste client quan sia sus plaça.

La tarifa de la taxa de sejorn que deurà figurar sus la factura e estar afichat dens lo vòste aubergament.

Qu'i a 4 periòdes de collècta per an entà reverser la vòsta taxa de sejorn :

• Entaus sejorns deu 1 ^er genèr au 31 de març : que devetz reverser la vòsta taxa de sejorn abans lo 15 d'abriu ;
• Entaus sejorns deu 1 ^er abriu au 30 de junh : que devetz reverser la vòsta taxa de sejorn abans lo 15 de julhet ;
• Entaus sejorns deu 1 ^er julhet au 30 de seteme : que devetz reverser la vòsta taxa de sejorn abans lo 15 d'octobre ;
• Entaus sejorns deu 1 ^er octobre au 31 de deceme : que devetz reverser la vòsta taxa de sejorn abans lo 15 de genèr N+1.

Entà reverser la mea taxa de sejorn :

1. Que'm connècti a la platafòrma de Taxa de sejorn
2. Qu'assabenti lo nombre de nueitadas e de personas assubjectidas arcuelhudas suu periòde. Lo calcul qu'ei automatic (entaus aubergaments classats). Qu'ei donc important d'aver aplicat la bona tarifa de taxa de sejorn segon lo vòste aubergament entà estar segur d'aver collectat la soma indicada.
3. Jo reverse lo montant indicat per la platafòrma dab la vòsta carta bancària (pagament en linha), per virament, o per chèc (au vòste burèu d'arcuelh toristic lo mei pròche).

A saber ! Si la platafòrma de comercializacion collècta la taxa de sejorn entà vosauts, que devetz totun assabentar lo nombre de nueitadas efectuadas, sus la platafòrma de taxa de sejorn en utilizant lo boton « locacion per tèrç collector ». Nat reglament suplementari ne vse serà pas demandat .

A la fin de cada periòde de collècta, que receberatz per corric un acusat de recepcion de las vòstas declaracions.