Ipar Euskal Herriko topaketa digitalak Baionara itzuliko dira uztailaren 3an

Datorren uztailaren 3an, Ipar Euskal Herriko topaketa digitalen 16. edizioa iraganen da Baionan. Ipar Euskal Herriko Agentzia Digitalak antolatuko du (LaNum, lehen antic zena) eta helburuak publikoari digitalaren erronka handiak aurkeztea eta erabilerak hobeki kudeatzeko aterabide konkretuak ezagutaraztea dira.

Eguneratzea:2025ko martxoaren 20a

Zerrendara itzuli Berriak

Informazioaren gainkarga, ziber-mehatxuak edota zailtasun teknikoak… Arlo digitala konplexua iruditzen zaigu usu. Ipar Euskal Herriko Topaketa Digitalen 16. edizio honetan, enpresei, elkarteei, kolektibitateei eta partikularrei gakoak eman nahi zaizkie, ingurune digitala hobeki uler dezaten.

Aterabide konkretuetan oinarrituriko egitaraua

Arratsaldean zehar, hainbat adituk tailerrak eta hitzaldiak emanen dituzte parte-hartzaileek beren beharren araberako erantzun praktikoak eskura ditzaten. Aipatuko diren gai zenbait:

  • Arlo digitala gure aliatu: tresna digitalen eguneroko erabilera hobeki antolatu.
  • Zerbitzu etenaldiak aurreikustea: pana baten kasuan jarduerak segitzea segurtatzeko aterabideak.
  • Ziber-eraso baten ondorengo kudeaketa: babes sistemen eta praktika onen indartzea.
  • Datuen gainkarga kudeatzea: fitxategiak sailkatzeko, antolatzeko eta garbitzeko aholkuak.

Denentzat irekia

14:00etatik 18:00etara, parte-hartzaileek adituekin trukatzeko eta aterabide konkretuak ezagutzeko aukera izanen dute. Sarrera urririk da, baina aitzinetik izena ematea gomendatzen da, hemen: rencontres.lanum-paysbasque.com.

Info praktikoak

Data eta tokia: uztailaren 3a, 14:00etatik 18:00etara, Teknohirian (Pierre-Georges Latécoère karrika 9, Baiona).
Izen-ematea urririk, baina kopuru mugatua.

Euskal Hirigune Elkargoaren eta Akitania Berria Eskualdearen sostenguarekin (FEDER ko-diruztatzea) antolatu gertakaria.

Orain