L'accès aus documents administratius

Que desiratz accedir a un document administratiu produsit per la Comunautat País Basco ? Que vs'explicam com procedir.

Actualizat lo : 22 November 2024

Euskaraz irakurri

Quaus documents administratius e son comunicables ?

Entà assegurar la transparéncia de l'accion administrativa e l'informacion deus ciutadans, un dret d'accès qu'ei obèrt entà obtiéner comunicacion de documents administratius. Aqueth dret que s'exerceish dens las condicions fixadas per la lei n°78-753 deu 17 de julhet de 1978 e los sons tèxtes associats.

A qui s'adreçar ?

En aplicacion de las disposicions deu decret n° 2005-1755 deu 30 de deceme de 2005, las comunas e establiments publics de cooperacion intercomunau de mei de 10 000 abitants qu'an l'obligacion de nommar, dens los lors servicis, ua persona responsabla de l'accès aus documents administratius e de las questions relativas a la reütilizacion de las informacions publicas.

Dauna Audrey BOISSIER, Directora de l'Administracion generau dens la Comunautat d'Aglomeracion País Basco, qu'ei estada designada ad aqueth efèit .

E ac sabètz ?

Despuish lo 1erjulhet de 2022, l’amassa deus actes adoptats dens la Comunautat d'Aglomeracion País Basco (deliberacions, decisions e arrestats) que son publicats devath format electronic .

A notar : La lectura deus actes devath format electronic n'ei pas compatibla dab sistèmas d'assisténcia tecnologica taus com un legidor d'ecran. Si encontratz un problèma d'accessibilitat, volhatz contactar los nostes servicis a contactcommunaute-paysbasquefr entà qu'ua alternativa vse sia prepausada.

Consultar los actes de la Comunautat País Basco

Com demandar l'accès a un document administratiu ?

L'accès aus documents administratius que's pòt efectuar, a la causida deu demandaire, e dens lo limit de las possibilitats tecnicas de l'administracion sia : 

  • per consulta gratuita sus plaça, au sèti de la Comunautat d'Aglomeracion País Basco ;
  • per l'enviada d'un corrièr electronic.

Entà facilitar lo tractament de las demandas, qu'ei recomandat d'adreçar ua demanda preliminara d'accès a un document administratiu sia :

  • per corrièr : Comunautat d'Aglomeracion País Basco, 15 avienguda Foch - CS 88507- 64185 BAIONA CEDEX
  • per corric a l'adreçacontactcommunaute-paysbasquefr

Véder tanben