Qu'apreni lo basco adulte

Perqué apréner lo basco ?

De nombrosas rasons que'ns pòden possar a apréner ua lenga navèra. 

• Çò que pòt estar a la partença, la volontat de descobrir la riquessa e la singularitat de la cultura basca, de mélher s'integrar au territòri ;
• Apréner lo basco, qu'ei tanben un mejan de s'obrir aus autes. Uei, 20% deus abitants deu territòri que son bascofònes ;
• L'aprendissatge deu basco que coneish ua aviada navèra per l'escòla . Près de 42 % deus escolans deu primari que segueishen un ensenhament bilingüe . Acompanhar l'escolaritat deus sons mainatges que pòt estar ua bona rason de's lançar ;
• Lo basco que pòt aver tanben ua utilitat plan practica, per exemple, entà tribalhar o trobar un emplec deus dus costats de la frontèra.

Cada annada, de las centenas de navèths aprenents que's meten au basco . Julen, Pauline e Sandra que'ns contan lo lor trajècte e las lors motivacions.

Las formacions au basco entà adultes

L'aprendissatge deu basco que's pòt har multiplas faiçons : cors deu ser, en jornada, en individuau o en petits grops, per Internet, estagis en immersion, etc. Cadun que pòt trobar la formula qui'u convien. N'i a pas atge entà debutar, sola la vòsta motivacion be compta !

Qu'existeish de nombrosas estructuras entà apréner lo basco. 

Hialat AEK
15 centres sus tot País Basco 

JAKINOLA
1 centre a Baiona

ELEALDI
1 centre a Anglet

ANGELUKO IKASLEAK
1 centre a Anglet

ADIXKIDEAK
1 centre a Urrugne
05 59 20 87 07- amicale.adixkideakorangefr

Que trobaratz los contactes de totas las estructuras deu territòrisuu nosteannuari deus actors de la transmission de la lenga basca.

Las certificacions a la lenga basca

Lo Dispositiu de Certificacion de Lenga Basque (DLCB) que sèrv a verificar e a validar lo nivèu de capacitat lingüistica en Euskara. Qu'ei metut en plaça sus la basa deu Quadre Europèu Comun de Referéncia (CECR) qui defineish 6 nivèus de competéncias : A1, A2, B1, B2, C1 e C2. Lo nivèu C1 qu'ei lo de l'utilizator experimentat e autonòme d'ua lenga. sessions d'espròvas de nivèu B1, B2 e C1 que son organizadas cada annada .

Entà mei d'informacions sus las certificacions en lenga basca, que contactatz l'Ofici Public de la Lenga Basque .

Finançar los mens cors de basco

Lo Compte Personau de Formacion (CPF)

Lo Compte Personau de Formacion que permet d'aquerir drets a la formacion mobilizaderas tot lo long de la soa vita professionau (autanlèu 16 ans) entà finançar formacions, quitament en periòde de caumatge. Ua formacion CPF seguida en dehòra deu temps de tribalh ne demanda pas un acòrd obligatòri deu vòste emplegaire, au contra d'aquera dispensada pendent los vòstes oraris professionaus qui deu estar notificada 30 dias abans la debuta deus cors. 

La borsa d'aprendissatge de la lenga basca

L'Ofici Public de la Lenga Basque que prepausa cada annada ua borsa « Euskaraz Lan Egin – tribalhar en basco » qui finança formacions intensivas en basco a las personas qui projèctan d'utilizar l'euskara dens lo lor mestièr.

Entà mei d'informacions suus finançaments, que contactatz l'Ofici Public de la Lenga Basque .

Practicar lo basco au quotidian

La lenga basca b'ei ua lenga viva ! De nombrosas escadenças que'vs permeten de'vs i confrontar e méter en practica los vòstes aprendissatges. Que'vs prepausam ací ua seleccion de ressorsas utilas e de rendètz-vos a non pas mancar.