Los depaus sauvatges

Los depaus sauvatges, qué ei ?

Un depaus sauvatge qu'ei efectuat autanlèu lo momentòt qui ua dèisha ei abandonada au quite sòu. 

Com indicat dens lo reglament de collècta, la Comunautat d'Aglomeracion País Basco qu'a deliberat en favor d'ua penalitat contra los depaus irregulars de dèishas. Lo reglament que preved un regime de penalitats qui serà aplicat per agents comunautaris assermentats. 

Aqueth dispositiu qu'a entà objectiu de har préner en carga per tot contravienent las despensas ocasionadas entau raubatòri e lo netejatge deus depaus sauvatges.

Quaus son las sancions en cas de depaus sauvatge ?

Los montants fixats per la deliberacion deu Conselh comunautari :

• Tarifa 1 : 70 € entà depaus de bordilhas domesticas/embalatges domestics e cartons dens lòcs autorizats mes non confòrmes (non-respècte deus dias e oraris de collècta, depaus de dèishas au pè deus cabeders, non-respècte de la tria de las dèishas e de las consignas de tria) ;
• Tarifa 2 : 120 € entà depaus de dèishas encombrantas o perilhós non confòrmes (totas las dèishas destinats a estar depausats dens las deisherias).

Com senhalar un depaus sauvatge ?

• Si lo depaus sauvatge ei au pè d'un punt de collècta de dèishas domesticas o un punt de tria, que contactatz lo guichet d'arcuelh dèisha deu vòste sector ;
• Si lo depaus sauvatge ei dens lo maine public (hòra infrastructura de collècta abituau), que contactatz los servicis de la vòsta comuna .
• Si lo depaus sauvatge ei dens un locau privat de residéncia, mercé de contactar lo vòste sindicat de copropriété.

Las solucions contra los depaus sauvatges

La Comunautat País Basco que desplega sus tot lo territòri de las solucions de collècta (punts de tria, deisheria) entà las dèishas deus particulars. Que pòt egaument préner en carga daubuas dèishas deus professionaus o los dirigir cap tà cordèras especializadas.