La redevença especiau dèishas

Qué la Redevença Especiau Dèishas ?

Lo Redevença Especiau Dèishas que correspon au servici de collècta qui deven pagar los professionaus qui benefícian de la presa en carga de las lors dèishas. 

Aqueth servici que compren :

• L'accès a equipaments de collècta e lo remplaçament eventuau d'aquestes ;
• La collècta, lo transpòrt e la valorizacion de las dèishas residuaus assimiladas aus deus cobles ;
• L'assisténcia tecnica permanenta entà l'avaloracion deus besonhs e, au finau, l'optimizacion de la gestion de las soas dèishas: desvolopament de la tria, diminucion deu volume e deu nombre de bacs, etc.

Entà crida : aqueth servici ne compren pas que la collècta de las dèishas dit « assimilats », qu'ei a díser los qui son de medisha natura que las dèishas deus particulars (Bordilhas Domesticas).

Un deus objectius de la Redevença Especiau qu'ei de har baishar los volumes de dèishas assimiladas a las dèishas domesticas collectadas pr'amor que mei los professionaus triaràn la lor dèishas e manca pagaràn de Redevença.$

Qui paga la Redevença Especiau Dèishas ?

• Los professionaus qui aucupan un locau quan produseishen un volume de dèishas superior a 770 litres per setmana. La redevença n'ei pas devuda que pendent las setmanas pendent las quaus lo lindau ei despassat.
• Los professionaus e administracions qui aucupan un locau exonerat de TEOM ;

Los professionaus qui produseishen mei de 30 000 litres per setmana de dèishas que son exclusits de la collècta e que deven recórrer a societats privadas.

Com calcular la mea redevença ?

La Redevença Especiau Dèishas que compren :

• ua part forfaitaire d'accès aus servicis ;
• ua part variabla ligada au nombre e au volume de las dèishas presentadas dens l'annada (hòra collècta selectiva).

La Redevença Especiau Dèishas ne's cumula pas dab laTaxa de Raubatòri de las Bordilhas Domesticas (TEOM). Las diferentas dèishas triadas e, d'aqueth hèit, desviats de la collècta de las dèishas assimiladas a las bordilhas domesticas, ne son pas retienuts dens lo calcul de la Redevença Especiau.

Formula de calcul

Forfèit annau d'accès (100 o 50€ segon lo vòste mòde de collècta) + (Volume annau de dèishas assimiladas a las bordilhas domesticas X 0,0402 € per litre collectat) - Montant Taxa de Raubatòri de las Bordilhas domesticas.

Com pagar la mea redevença ?

Lo desplegament de la facturacion navèra « Redevença Especiau » qu'ei en cors despuish junh de 2024 .

A partir de 2024, tots los professionaus facturats que receberàn 2 facturas per an : 

• l'ua pendent l'auton entau 1èr semèstre de l'annada en cors ;
• e l'aute, en debuta d'annada seguenta entau segond semèstre.

Com pagar mensh de Redevença Especiau Dèishas ?

De las solucions simplas que'vs permeten de limitar l'impacte de la Redevença Especiau Dèishas suu vòste budget, mes tanben de contribuar a la preservacion de las nostas ressorsas naturaus en limitant lo gaspilhatge de matèrias e d'energia.

• Redusitz las vòstas dèishas a la hont ;
• Organizatz au mélher la tria entà facilitar lo tribalh de las vòstas equipas ;
• Adoptatz los bons reflèxes de tria entà redusir la vòsta factura.

Entà melhorar las vòstas practicas de tria e redusir las vòstas dèishas, que consultatz los nostes guidas a destinacion deus professionaus e administracions :

• Comèrci alimentari ;
• Carnisseria/carnsaladeria/aprestaire ;
• Peishoneria ;
• Panisseria/pastisseria/chocolaterie ;
• Restauracion ;
• Administracion/establiment escolar ;
• Establiment medicau.

Lo guida « Redevença Especiau Dèishas » presenta en detalh lo principi de la redevença, deus diferents mòdes de calcul atau com los contactes deus servicis suu vòste sector.