Lo men assaniment collectiu

Entà las aigas usadas domesticas

Las aigas usadas domesticas que son las aigas usadas d'un immòble produsidas per ua persona fisica .

Lo Còdi de la Santat Publica qu'impausa la connexion entà tota abitacion desservida per un hialat public d'aigas usadas :

• suu pic entà las abitacions navas ;
• devath 2 ans, en cas de creacion d'un hialat navèth.

Aqueth accès que pòt estar dirècte o per mèdi de vias privadas o d'ua servitud de passatge devath un terren privat.

La connexion au hialat public que's hè per un brancament d'aigas usadas .

Entà las aigas usadas non domesticas

Las aigas usadas non domesticas que son las aigas usadas produsidas per immòbles autes qui l'abitat e qui son pas sosmetuts a autorizacion au títol deu Còdi de l'Environament.

Segon la lor categoria, que pòden beneficiar, devath daubuas condicions tecnicas e financèras, d'un dret a la connexion suu hialat public d'assaniment après establiment per la Collectivitat d'ua convencion o d'un arrestat especific.

Lo brancament d'aigas usadas que compòrta 2 partidas :

• ua partida publica, realizada per l'espleitador a las despensas deu proprietari ;
• ua partida privada, realizada peu proprietari (o lo son mandatari) a las soas despensas.

Lo brancament public qu'ei constituït :

• d'un dispositiu permetent la connexion a la canalizacion publica de collècta de las aigas usadas ;
• d'ua canalizacion de brancament, situada devath lo maine public ;
• d'un obratge visitable, aperat « boita de brancament », plaçat devath lo maine public, lo mei près possible deu limit de proprietat entà perméter lo contròle e l'entertien per la collectivitat (o lo son representant) deu brancament public. Que constitueish lo limit de responsabilitat enter la partida publica e la partida privada deu brancament.

La partida privada qu'ei constituïda de tots los obratges necessaris entà miar las aigas usadas a la partida publica deu brancament. Entaus locaus hòra abitacion, prescripcions tecnicas particularas que pòden estar demandadas (séparateur de grèishas, débourbeur,…).

Tota demanda de brancament que deu estar hèita au près de l'espleitador de la comuna concernida. Pendent aquera demanda, que deuratz precisar si avetz besonh d'un brancament au hialat public d'aigas pluviaus urbanas.

Lo contròle de conformitat de la connexion qu'a entà mira d'evitar disfoncionaments suus hialats publics o sus las installacions privadas (terrada, maishant foncionament deus obratges, desbordament, problèma de maishanta aulor, …).

Qu'existeish 2 tipes de contròles :

• aqueths realizats a l'iniciativa de la collectivitat (o lo son representant) : 
  • a cada connexion nau o quan las condicions de connexion son estadas modificadas (obligatòria) ;
  • pendent campanhas de contròle destinadas a melhorar la coneishença deu foncionament de la collècta ;
  • en cas de constat de pollucion ;
• aqueths realizats sus demanda de l'usatgèr (abans ua venta per exemple).

Lo contròle que pòrta sustot sus :

• la separacion de las aigas usadas e de las aigas pluviaus (lhevat en cas de hialat unitari) (esquèma ací-après) ;
• lo diamètre e lo penent minimau de las canalizacions ;
• la preséncia d'espiars en nombre sufisent ;
• los dispositius de prétraitement eventuaus o d'equipaments de gestion de las aigas pluviaus ;
• la verificacion qui los ancians obratges d'assaniment non collectiu son plan estats desconnectats, vueitats o curats, comolats o desinfectats ;
• l'estanqueïtat de las installacions e las lors connexion sus la boita de brancament.

Segon lo cas, los contròles que son facturats a l'usatgèr seguent las tarifas en vigor sus la comuna concernida.

L'usatgèr que's deu d'informar la Collectivitat (o lo son representant) de tota modificacion de las soas installacions sanitàrias privadas.

La demanda de contròle que deu estar hèitaau près de l'espleitador deu servici assaniment collectiu sus la mea comuna.

Las redevenças d'assaniment dens la factura d'aiga 

Tot com entà l'aiga bevedera, de las redevenças d'assaniment (part fixa e part variabla) que son facturadas per la factura d'aiga .

Entà conéisher las tarifas de l'aiga e de l'assaniment deus particulars sus la vòsta comuna, que podetz consultarl'Observatòri nacionau deus servicis d'aiga e assaniment.

La Participacion entau Finançament de l'Assaniment Collectiu (PFAC)

Aquera participacion qu'ei devuda peus proprietaris d'immòbles (o lo lor representants) somés a l'obligacion de connexion au hialat public de collècta de las aigas usadas, en aplicacion deus articles L.1331-7 e seguents deu Còdi de la Santat Publica.

Per deliberacion deu Conselh Comunautari deu 1èr de julhet de 2023, las soas modalitats d'aplicacion e de calcul qu'an hèit l'objècte d'ua armonizacion a l'escala deu territòri.

Telecargar lo reglament de servici

Lo present reglament de servici que definí lo quadre de las relacions enter los usatgèrs deu servici e la Comunautat País Basco o lo son espleitador.