Sostien aus projèctes de creacion artistica espectacle viu

Periòde d'obertura

Aquera ajuda qu'ei obèrta tota l'annada . 

Objectius

• Sostiéner la creacion artistica professionau a l'intencion de l'enfança e la joenessa, o la creacion artistica professionau de teatre e arts associadas en euskara o occitan-gascon ;
• Acompanhar las equipas artisticas dens la lor estructuracion e lo lor desvolopament e los perméter de s'inscríver dens los hialats professionaus locaus, regionaus, transfrontalèrs, nacionaus, quitament internacionaus.

Publics eligibles

Aquera subvencion qu'ei acordada a las :

• Projèctes de creacion joena public :
  • Professionaus de las cordèras teatre e arts associadas, dança, musica ;
  • Tota equipa artistica professionau d'espectacle viu deu territòri de la Comunautat País Basco o d'alhors.
• Entaus projèctes de creacion teatre tot public en euskara/occitan-gascon :
  • Professionaus de las cordèras teatre e arts associadas ;
  • Tota equipa artistica professionau d'espectacle viu deu territòri de la Comunautat País Basco o d'alhors.

Los candidats ne pòden pas presentar qu'un sol dossièr per an e per estructura.

Critèris d'apreciacion

Los critèris d'apreciacion deu projècte que son los seguents :

• La desmarcha artistica : formulacion, argumentacion, originalitat, exigéncia, nivèu de recèrca de l'o deus subjèctes tractats, adeqüacion dab la linha artistica deu projècte joenessa e teatre en euskara/occitan-gascon de la Comunautat País Basco ;
• L'equipa artistica portant lo projècte : reconeishença deu sector (sostien recebut per las collectivitats, los partenaris, los professionaus…), nivèu d'experiéncia, nivèu de formacion, collaboracions artisticas (espiar exterior, conselhs artistics, partenaris…), capacitat de mediacion (EAC, sensibilizacion, atrunas de mediacion…) ;
• La viabilitat deu projècte : factibilitat tecnica, coheréncia deu budget previsionau, remuneracion prevista entà las equipas mobilizadas entau projècte, situacion financèra deu portaire de projècte, associacions desvolopadas (locau, regionau, transfrontalèr, nacionau), coheréncia de la produccion (coproduccions, préachats, sostien financèr deus partenaris publics/privats…), calendari previsionau (produccion e difusion), un plan de difusion fèrma d'au mensh duas datas suu territòri de la Comunautat País Basco ;
• La presa ne compte deus enjòcs de transicion ecologica e energetica, e deus enjòcs solidaris entà redusir l'impacte negatiu deu projècte sus l'environament, contribuar au respècte de l'egalitat hemnas/òmis e a la luta contra las discriminacions, ahortir la mediacion e los ligams qu'entra patrimòni naturau e culturau.

L'ensemble d'aqueths critèris que seràn apreciats au par de la situacion de la companhia e deu son desvolopament (situacion financèra, montatge de la produccion e de la difusion anteriora, espleitacion deus espectacles).

Modalitats de sostien

L'ajuda aus projèctes de creacion artistica qu'ei cumulabla dab l'ajuda au foncionament de la Comunautat País Basco.

Aquera ajuda que finança residéncias artisticas . La Comunautat País Basco qu'auhereish duas possibilitats (non cumulablas) de residéncia artistica :

• Residéncia de creacion
• Residéncia de recèrca/mediacion

Residéncia de creacion

Las despensas seguentas que son  presas en carga : salaris, aubergaments e fresc de restauracion de cada artista/tecnician presents sus la residéncia artistica entà minimum 5 dias de residéncia.

La presa en carga financèra qu'ei plafonada a 10 dias obrats de residéncia dens lo limit de 20000 €.

Entà las creacions en euskara/occitan-gascon, la presa en carga financèra qu'ei plafonada a 15 dias obrats dens lo limit de 25000 €.

Lo lòc de residéncia que pòt estar metut a disposicion de cada equipa artistica entà ua durada maximum de 3 setmanas, includint la durada de la residéncia que prèsa en carga financèrament . La durada reau de la residéncia qu'ei convienuda dab cada equipa artistica, dens lo limit deu budget annau disponible entà l'ajuda a la creacion.

3 equipas artisticas maximum, dont las equipas de tribalh son enter 9 e 14 personas, que seràn arcuelhudas cada sason . Ua atencion particulara que serà portada a las companhias locaus .

Lo montant de la subvencion atribuïda qu'ei  calculat segon las modalitats seguentas :

Residéncia de recèrca, mediacion

La residéncia de recèrca-mediacion qu'ei un periòde, de 10 dias obrats, pendent la quau cada equipa artistica altèrna deus temps de residéncia de recèrca e deus temps de mediacion.

Qu'ei un temps de laboratòri destinat a l'experimentacion e a la recèrca (tecnicas navèras, tecnologias deu numeric, video, metòdes navèths de mediacion, etc.). N'aboteish pas a la realizacion d'un espectacle mes que pòt balhar lòc a un temps d'encontre e d'escambi dab un public ciblat deu territòri (escolars, amators, etc.).

Entaus temps de recèrca, las medishas condicions qui l'ajuda a la creacion son aplicadas : presa que carga deus salaris, aubergaments e fresc de restauracion de cada artista/tecnician presents sus la residéncia artistica. La presa en carga financèra qu'ei plafonada a 20000 €.

Entaus temps de mediacion, las despensas suplementàrias seguentas que son presas en carga : cada òra de mediacion assegurada per cada artista e las despensas de desplaçaments corresponents.

Avaloracion

Un bilanç qualitatiu e financèr déver estar transmetut a la Direccion de las Associacions Culturaus au mei tard 6 mes après la prumèra representacion o 3 mes après la fin de la residéncia de recèrca-mediacion.

Modalitats particularas

• L'autrei de l'ajuda au foncionament que va de par dab la signatura d'ua convencion d'objectius e de mejans multipartite d'un an a tres ans, renovelable devath condicions, associant a minima ua comuna deu territòri de la Comunautat País Basco, per l'atribucion d'ua ajuda financèra e/o per apòrts en industria (mesa a disposicion de locaus, mesa a disposicion de competéncias tecnicas, etc.).
• L'ajuda qu'ei reconductibla sus la durada convienuda deu convencionament . Lo montant de l'ajuda qu'ei totun definit cada annada per deliberacion deu Conselh permanent de la Comunautat País Basco.
• Lo convencionament n'ei pas necessàriament reconductible a la fin deu periòde d'acompanhament multipartite.Avaloracion

Los objectius pausats dens lo convencionament que son avalorats pendent ua reünion de bilanç annau dab la Direccion de las Associacions Culturaus.

Sortida deu convencionament

Un acompanhament a la sortida deu convencionament d'un an, calculat sus la basa de 50 % deu montant de l'ajuda de la darrèra annada deu convencionament, que poirà estar prepausat, devath condicions, a las associacions qui renovelaràn pas lo lor convencionament.

Las associacions ne pleant pas mei las condicions d'accès au convencionament que poirén véder lo lor convencionament s'acabar e aqueste non pas estar recondusit.

La mea demanda d'ajuda

Los portaires de projèctes que pòden adreçar lo lor dossièr de candidatura :

• De preferéncia per Internet, en pleant lo formulari de candidatura en linha ;
• Per corrièr electronic, en renviant lo dossièr de candidatura, signat deu president o deu representant legau de l'estructura, a l'adreça t.biscarycommunaute-paysbasquefr ;
• Per via postau, en renviant lo dossièr de candidatura, signat deu president o deu representant legau de l'estructura, a : Sèti de l'Aglomeracion País Basco 15, avienguda Foch Direccion Cultura CS 88507 64185 Baiona CEDEX

Las candidaturas que deven estar acompanhadas, dens la mesura deu possible au moment deu depaus, de las pèças constitutivas deu dossièr.

Los portaires de projèctes qu'i poiràn júnher tots los documents utiles a la compreneson deu lor projècte. pèças complementàrias que poiràn estar demandadas peus servicis de l'Aglomeracion.

A recepcion deu dossièr de subvencion, un acusat de recepcion qu'ei adreçat devath 15 dias a cada portaire de projècte. Ne presumeish pas de nada manièra de la receptibilitat deu dossièr .

Las condicions de versament de l'ajuda e de contròle que son detalhadas dens lo Reglament Quadre telecargable ací devath.

Decision d'atribucion

Las demandas que hèn l'objècte d'ua instruccion tecnica . Que son puish presentadas en Comission Cultura. 

Si lo projècte ei retienut, qu'ei sosmetut au vòte deu Conselh permanent . La deliberacion presa peu Conselh permanent qu'ei adreçada au Prefècte entà contròle de legalitat. 

Ua letra de notificacion qu'ei puish enviada au portaire de projècte.

Versament de la subvencion

Entà tota subvencion atribuïda superiora a 23000€, ua convencion que deu estar signada enter la Comunautat País Basco e lo portaire de projècte. La convencion que descriu l'objècte de la subvencion atau com los engatjaments deu portaire de projècte e de la comunautat d'aglomeracion.

Lo versament de la subvencion ne's poirà pas har qu'après signatura de la convencion peu portaire de projècte e peu President de la Comunautat País Basco o lo son representant, a condicion que totas las pèças sian estadas transmetudas. 

Un exemplar déver estar tornat signat au servici de la Comunautat País Basco avent ensenhat lo dossièr. La convencion qu'ei puish transmetuda au contròle de legalitat de la Prefectura. Autanlèu recepcion de l'exemplar hèit executòri, lo versament de la subvencion qu'ei validat .