Programa ELENA (European Locau ENergy Assisténcia) 2022-2025

Presentacion de l'ajuda

Lo programa ELENA (European Locau ENergy Assisténcia) qu'ei un dispositiu europèu d'assisténcia tecnica en favor de l'eficacitat energetica e de las energias renovelablas ligadas au bastit, prepausat per la Banca Europèa d'Investiment (BEI). 

La Comunautat País Basco qu'a mobilizat aquera subvencion entau son territòri dens l'encastre deu son programa entitolat « Transicion Energetica deu Patrimòni Public d'Iparralde » (TEPPI) e entau compte de l'ensemble de partenaris.

Aqueth programa qu'ei estructurat a l'entorn de 3 èishs :

• Sobrietat e Eficacitat Energetica : prefigurar de las renovacions energeticas globaus ;
• Energias renovelablas : desvolopar navèths projèctes de produccion d'electricitat solara e de calor/hred ;
• Engenheria financèra : mobilizar ressorsas financèras addicionaus entà concretizar aqueths projèctes. La Comunautat País Basco que va estudiar lo montatge d'un dispositiu financèr innovant qui consisteish a realizar òbras de proessa energetica generant estauvis d'energia afectadas puish au remborsament de las avanças consentidas per institucions financèras e au finançament de navèths projèctes.

Modalitats de sostien

Lo programa ELENA qu'ei prepausat per la Banca Europèa d'Investiment (BEI) e que subvenciona sus 3 ans, a hautor de 90%, los còsts preliminars a la començada d'operacions de renovacion energetica e de mejans de produccion d'electricitat e/o de calor renovelabla (solara fotovoltaïca e hialats de calor/hred sustot). 

La Comunautat País Basco qu'a atau mobilizat au près de la BEI dens l'encastre deu programa ELENA entitolat « Transicion Energetica deu Patrimòni Public d'Iparralde » (TEPPI) e entau compte de l'ensemble deus partenaris, ua subvencion d'un montant globau de 1 798 000€ TTC. La Comunautat País Basco qu'assumeish la rèsta a carga (200 000€TTC sia 10% deu còst deus estudis non finançat per la BEI).

La Comunautat País Basco qu'assegura la mestresa d'obratge de tots los estudis e l'animacion deu programa ELENA entau son pròpi compte e lo deus partenaris.

La mea demanda d'ajuda

Las candidaturas au programa ELENA 2022-2025 que son clausas despuish lo 4 d'abriu de 2022 .

Los projèctes retienuts

Lo programa ELENA 2022-2025 que va perméter de :

• prefigurar de las renovacions energeticas globaus de 240 bastiments publics dab un ganh energetic minimau de 40% ;
• desvolopar navèths projèctes de produccion d'electricitat solara e de calor/hred dens mei de 200 bastiments ;
• mobilizar ressorsas financèras addicionaus entà concretizar aqueths projèctes.

Lo programa ELENA 2022-2025 que concerneish :

• 67 comunas sus tot País Basco ;
• 3 organismes de lotjament sociau : Abitat Sud Atlantic, Ofici 64 de l'Abitat e COL ;
• Sindicat de las Mobilitats País Basco – Ador (SMPBA) ;
• la Comission Sindicau d'Ostabaret.