Contracte de progrès entà servicis publics municipaus en lenga basca

Contèxte e enjòcs

La politica lingüistica comunautària qu'encoratja la transmission e l'usatge de la lenga basca en tribalhant a l'organizacion d'ua auhèrta bilingua dens los servicis a la populacion.

La comuna estant lo malhon de proximitat dab los abitants, qu'ei un lòc estrategic d'usatge au quotidian . Per mèdi deu contracte de progrès, qu'ei acompanhada a desvolopar la lenga basca dens los sons servicis.

En 2024, gràcias ad aqueth dispositiu, 28 comunas e sindicats que  son acompanhats : Amendeuix-Oneix, Arcangues, Ascain, Ayherre, Bidart, Biriatou, Cambo los Banhs, Ciboure, Guéthary, Hasparren, Jatxou, Larrau, Larressore, Licq-Atherey, Maulion-Licharre, Ossès, Sent Estève de Baïgorry, Sent Pée sus Nivelle, Sent Pèir d'Irube , Sent Martin d'Arberoue, Saint-Palais, SIRPAGIL, St Jean Pè de Pòrt, St Martin d'Arrossa, Sindicat Baiarda SJL/Ciboure, Urcueit, Urepel, Ustaritz.

A qui s'adreça lo dispositiu ?

Aqueth dispositiu que s'adreça a totas las comunas deu territòri de mensh de 10 000 abitants atau com aus sindicats de comunas.

Presentacion deu dispositiu

Après sollicitacion per las comunas, los servicis de la Comunautat País Basco que'us acompanhan dens l'elaboracion d'un diagnostic qui va perméter aus elegits d'identificar los servicis prioritaris.

Lo contracte qu'ei puish prepausat e la comuna que delibèra entad ac signar. Un seguit annau qu'ei realizat en comitat de pilotatge .

L'acompanhament de la Comunautat País Basco

La Comunautat País basco que prepausa : 

• un acompanhament tecnic entà l'elaboracion deu diagnostic e lo seguit deu contracte ;
• un acompanhament tecnic entà l'elaboracion e l'animacion d'un plan d'accions euskara ;
• ua ajuda financèra a hautor de 50 % entà la formacion deus agents (còsts pedagogics) e a hautor de 50 % entaus còsts de remplaçaments deus ATSEMS (agents titulars) ;
• ua ajuda financèra entà las traduccions de + de 300 mots : 50 % deus còsts dens lo limit de 2 000 €.

Los contractes de progrès que's materializan per ua convencion pluriannau assortida de huelhas de rota annaus fixant los delais, los budgets e las mesuras a méter en plaça entà l'aquisicion de las ressorsas necessàrias a la començada deu bilingüisme dens los servicis identificats com prioritaris.