Borsa d'ajuda a l'aprendissatge de la lenga basca « Euskaldundu »

Lo guichet de depaus de las candidaturas qu'ei obèrt dinc au 15 d'abriu de 2025 miejanueit .

Contèxte

Dab Euskaldundu, la Comunautat d'Aglomeracion País Basco que desira desvolopar lo nombre de locutors en lenga basca au demiei deus estudiants, los parents joens e la populacion activa deu son territòri.
Aqueth dispositiu de borsa que permet d'atribuïr ua ajuda financèra aus adultes enter 18 e 64 ans, residint suu territòri comunautari e desirant se formar de faiçon intensiva a la lenga basca, dens l'encastre d'un projècte professionau, associatiu o personau.

Qu'a entà ciblas :

• los joens e los estudiants qui poiràn bastir l'aviéner deu territòri en euskara ;
• los parents qui desirarén transméter la lenga e acompanhar los lors mainatges dens la lor escolaritat bilingua o immersiva ;
• los adultes en situacion d'activitat qui poiràn har víver l'euskara dens lo lor sector professionau ;
• los aprenents a har un tribalh deu ser, qui desirarén accelerar lo procediment d'aprendissatge en i associant un module intensiu ;
• los 24 000 bascofònes receptius qui comprenen l'euskara shens ac poder parlar. 

A qui s'adreça lo dispositiu ?

Aqueth dispositiu que s'adreça a las personas enter 18 e 64 ans, residint suu territòri comunautari e presentant un projècte professionau, associatiu o personau necessitant un usatge quotidian de la lenga basca. Los beneficiaris d'ua pension civila o militara ne son pas eligibles .

Entà poder beneficiar de la borsa, lo demandaire déver aver prealablament mobilizat tots los dispositius de finançament de dret comun (CPF, congèts de formacion professionaus, congèts de transicion…) atau com los dispositius de finançament especificament destinats a l'aprendissatge de la lenga basca prepausats per l'OPLB, la Region Novèla Aquitània e França tribalh.

Lo dispositiu Euskaldundu que poirà interviéner sol o en complement d'aqueras ajudas, suus còsts pedagogics non cobèrts.

Un beneficiari qu'a la possibilitat de sollicitar la borsa Euskaldundu mantun còp, entà accedir a un nivèu de competéncia superior. 

Formacions eligiblas

Las formacions intensivas en lenga basca eligiblas que deuràn respectar l'ensemble deus critèris seguents :

• Objectiu : aquisicion en lenga basca deu nivèu B1, B2 o C1 deu Quadre Europèu Comun de Referéncia entà las Lengas (CECRL). Lo nivèu a aténher que poirà, autan necessari e justificat, èste adaptat en foncion de las especificitats deu sector d'activitat deu beneficiari ;
• Intensitat : 30 òras setmanèras minimum ;
• Durada : de 120 òras minimum a 1500 òras maximum, en foncion deu nivèu iniciau deus candidats ;
• Periòde : formacions compresas enter lo 15 de deceme de 2024 e lo 31 de deceme de 2027 ;
• Lòc : territòris deu País Basco nòrd, de la Comunautat autonòma d'Euskadi o de Navarra, dens un centre acceptat peus Governaments de la CAE o de Navarra (lista deus centres acceptats consultader suu site web de la CAPB). 

Montant de la borsa

Lo montant de la borsa qu'ei fixat a :

• 5 € per òra de formacion seguida dens la Comunautat autonòma d'Euskadi o dens la Comunautat forau de Navarra dens un centre acceptat peu Governament de la Communuaté Autonòma d'Euskadi o de Navarra ;
• a 9 € per òra de formacion seguida dens un centre de formacion se trobant suu territòri de País Basco Nòrd.

Lo montant globau de la borsa previsionau que serà calculat au par deu nivèu iniciau deu candidat e deu nombre d'òras necessàrias entà l'ataca deu nivèu mirat : B1, B2 o C1 deu CECRL.

Lo montant versat ne poirà pas estar superior au còst globau de la formacion diminuit deu montant pres en carga peus finançaments mobilizats d'un aute costat. 

Depaus de las candidaturas

Las candidaturas que deven estar adreçadas abans lo 15 d'abriu de 2025 a miejanueit.
Las demandas que's pòden har :

• per Internet, en pleant lo formulari de candidatura en linha ;
• per corric, en renviant lo dossièr de candidatura ací devath, devudament completat a l'adreça euskaldunducommunaute-paysbasquefr 

Un corrièr electronic acusant recepcion deu dossièr de candidatura qu'ei desliurat au demandaire .

Procedura d'instruccion e de decision

Los candidats que seràn seleccionats sus dossièr per ua comission compausada d'elegits e de tecnicians de la CAPB. Los dossièrs de candidatura que deven perméter a la comission d'avalorar las candidatura au par deus critèris seguents :

• nivèu iniciau en lenga basca ;
• projècte professionau, associatiu o personau deu candidat.

Après instruccion deus dossièrs, los candidats retienuts que seràn convocats a un entertien e audicionats entà avalorar las lors motivacions. Après seleccion deus candidats, la CAPB qu'informarà individuaument atribucion de la borsa « Euskaldundu » e deu montant atribuït. 

Modalitats de versament e engatjaments deus beneficiaris

Las modalitats de versament atau com los engatjaments deus beneficiaris son precisats dens lo reglament de l'aperet a projèctes, telecargable autanlèu lo 14 de heurèr vienent.