Ajuda a las estructuras d'acompanhament de la joenessa
Ajuda financèra a las estructuras associativas e a las comunas qui a per mira de sostiéner iniciativas d'acompanhament deus joens o joens adultes.
Actualizat lo : 27 November 2024
Ouvert a las candidaturas Recevable tota l'annada
Ajuda financèra Ajuda tecnica
Realizable per internet
En qué consisteish aquera ajuda ?
Au títol de la soa competéncia accion sociau, la Comunautat País Basco que pòt acompanhar las estructuras suu contravent joenessa, en matèria :
- de supòrt a desmarchas intercomunaus favorizant l'associacion, mirant l'acompanhament deus adolescents, la prevencion, l'orientacion professionau e l'insercion sociau a partir deu potenciau d'emplecs locaus ;
- de sostien d'accions condusidas peus joens, cercant d'ahortir los lors ligams dab lo territòri
Qui ne pòt beneficiar ?
Associacions (estatuts depausats en prefectura), comunas.
Quaus despensas e son eligiblas ?
Engenheria de projècte, comunicacion, estudi de factibilitat, autas despensas de foncionament ligadas a l'emergéncia e a la concepcion deu projècte.
A quaus critèris que deu respóner lo men projècte ?
Ne s'agirà pas necessàriament d'un projècte innovant en si mes que deu presentar ua nautat dens lo territòri dens lo quau s'implanta. Un estudi de besonh o de factibilitat qu'ei indispensabla entà sostiéner la pertinéncia deu projècte. Un ligam que deu estar establit dab ua analisi deus besonhs sociaus, a ua escala pertinenta dab la natura deu projècte (Comunautat d'Aglomeracion, bacin de vita, comuna…).
Critèris geografics
Lo portaire de projècte que deu aver la soa residéncia administrativa (o justificar d'ua antena) dens lo perimètre de la Comunautat d'Aglomeracion. Lo projècte que deu estar obligatòriament situat dens aqueth medish perimètre. L'arrajòu deu projècte que deu aver ua portada intercomunau, dens lo sens on s'adreçarà potenciaument a publics gessits de diferentas comunas, o que lo son desplegament cobrirà un territòri despassant los limits d'ua comuna.
Dimension collectiva deu projècte
L'existéncia d'un portatge associatiu qu'atèsta d'ua dimension collectiva deu projècte . Totun, autes factors que seràn pres en compte, dens lo caractèr partenarial deu projècte : la capacitat deu portaire deu projècte si ei associatiu de s'acostar ad autes partenaris, publics e/o privats ; la capacitat si s'ageish d'ua comuna, a associar autes partenaris, organizats o pas en associacion.
Transicion ecologica
Lo portaire de projècte que deu préner en consideracion aquera dimension dens la concepcion deu son projècte, o la faiçon de condusir lo son projècte.
Cofinançaments publics
Lo portaire de projècte que deu indicar los contactes establits, o previst, dab autes financeurs publics. Un encontre que poirà estar organizada enter financeurs publics, en foncion de la natura deu projècte. L'intervencion de la CAPB que pòt estar compatibla dab l'engatjament financèr d'autes partenaris publics (Euròpa, Estat, Conselh regionau, Conselh departamentau, Comuna).
A quant se pòt lhevar l'ajuda financèra ?
La Comunautat País Basco que jutjarà de la hautor de la soa contribucion, en foncion deus besonhs deu projècte, de la preséncia o pas autes partenaris financèrs publics o privats, de la soa pròpia capacitat financèra.
L'autrei d'ua subvencion superiora a 10 000 euros qu'aviarà la començada d'ua convencion dens la quau serà demandat au portaire de projècte ua avaloracion annau de l'accion engatjada gràcias au finançament de la CAPB.
En cas d'un besonh de finançament pluriannau, la demanda que serà renovelada annaument peu portaire de projècte.
Justificatius obligatòris
Entà estar complet, lo dossièr de demanda d'ajuda déver estar constituït deus documents seguents :
Documents relatius a l'estructura juridica portant lo projècte
- la copia deus estatuts signats de l'associacion
- la fotocopia de la publicacion au Journal Oficiau
- la composicion deu Conselh d'Administracion e deu Burèu
- los rapòrts d'activitats deu darrèr exercici
- lo bilanç e lo compte de resultat deu darrèr exercici claus aprovats per l'Amassada Generau e certificats peu President e lo Tesaurèr de l'organisme
- lo RIB recent au medish nom qui l'estructura juridica portaira
Documents relatius a la presentacion deu projècte
- lo dossièr de demanda d'ajuda (ací-après)
- lo descriptiu detalhat deu projècte, dab un calendari previsionau de realizacion
- lo budget previsionau, equilibrat en despensas e recèptas, entà l'annada a la quau se rapòrta la demanda de subvencion
Quan lo montant de la subvencion demandada ei superior a 23 000 €, júnher en complement :
- los verbaus de las amassadas generaus deu darrèr exercici claus
- los bilanç e comptes de resultat deus 3 darrèrs exercicis claus atau com los rapòrts corresponents deu comissari aus comptes si lo montant totau de las subvencions publicas percebudas èra superior a 153 000 €
- N.B. : A partir de 23 000 € de subvencion, convencionament obligatòri confòrmament a las disposicions deu decret n° 2001-495 deu 6 de junh de 2000 pres entà l'aplicacion de l'article 10 de la lei n° 2000-321 deu 12 d'abriu de 2000 e relatiu a la transparéncia financèra de las ajudas autrejadas per las personas publicas.
La Comunautat País Basco que's resèrva lo dret de demandar tota pèça complementària jutjada utila entà ensenhar la demanda.
La mea demanda d'ajuda
Entà vs'acompanhar au mélher dens lo depaus de la vòsta demanda de subvencion, e d'escambiar a l'entorn deu vòste projècte, qu'ètz convidats a vosauts apressar de la nosta equipa dedicada. Mercés de'ns contactar a l'adreça seguenta : n.arthapignet@communaute-paysbasque.fr
Las demandas que pòden estar adreçadas e realizadas :
- per Internet, en pleant lo formulari de demanda d'ajuda ací devath ;
- per corric a : n.arthapignet@comunaute-paysbasque.fr
- per via postau, en adreçant lo vòste dossièr atau com los justificatius obligatòris a :
Centre Intercomunau d'Accion Sociau País Basco
15 Avienguda Foch, CS 88 507 - 64185 BAIONA CEDEX