Conferéncia excepcionau de Dominique Borg : compréner l'urgéncia climatica entà agir mélher

Presentacion

Dens la continuitat de la mobilizacion iniciada pendent la Setmana KLIMA, qui a vist près de 200 actors deu territòri s'engatjar en favor deu climat, aqueth eveniment que's vòu un moment de reflexion propícia a l'accion . Especialista reconegut de las questions environamentaus, Dominique Borg qu'interrogarà los obstacles a ua presa de consciéncia collectiva e los frens a las politicas climaticas.

Entitolada « Urgéncia climatica : despassar lo negament entà agir », la soa conferéncia qu'abordarà tematicas essenciaus : perqué lo negament persisteish maugrat pròvas atucantas ? Quaus son los riscs concrèts deu cambiament climatic sus las nostas societats ? Com transformar los discors en accions positivas ?
L'intervencion que serà seguida d'un escambi dab lo public e d'ua session de dedicacion organizada en associacion dab la libreria baionesa La carrèra en penent.

Un pensaire immancable

Dominique Borg, professor onorari a l'universitat de Lausana, qu'ei ua figura màger de la reflexion ecologica contemporanèa . Qu'a participat a l'elaboracion de la Carta de l'environament de 2005 e presidit lo conselh de la Fondacion Nicolas-Hulot dinc en 2018. Lo son darrèr obratge, Devastacion, La question deu mau uei", que prepausa ua analisi percutenta de las crisis actuaus . Ne mancatz pas aquera conferéncia inspiranta entà compréner mélher los enjòcs climatics e agir a l'escala individuau e collectiva.

Desenrotlat de la conferéncia

• 17h45 : Obertura e arcuelh deu public
• 18h00 : Mot d'introduccion de Jean-René Etchegaray, President de la Comunautat d'Aglomeracion País Basco e de Martine Bisauta, vicepresidenta ne carga de la Transicion ecologica e energetica e de l'Aglomeracion Ciutadana
• 18h20 : Conferéncia de Dominique Borg
• 19h10 : Questions deu public
• 19h45 - 20h30 : Session de dedicacion dab la libreria « la carrèra en penent »

Inscripcion

Que'vs podetz inscríver en linha dinc a l'11 de març (en francés)