Zone à Faibles Emissions Mobilité : lancement de la consultation du public

La lei climat e resiliéncia de 2021 qu'impausa a totas las aglomeracions de mei de 150 000 abitants de crear ua ZFE-m. Aquera obligacion que concerneish 42 aglomeracions francesas . La Comunautat País Basco qu'ei concernida e ne pòt pas derogar ad aquera obligacion reglamentària.

Lo 28 de seteme darrèr, los elegits deu Conselh comunautari qu'an emetut un avís favorable au projècte d'arrestat de Zòna a Febla Emission mobilitat (ZFE-m). Lo projècte d'arrestat e lo dossièr reglamentari que son adara somés què a l'avís deu public . Lo periòde de consulta qu'ei obèrt deu 28 d'octobre au 25 de noveme .

Lo dossièr e tota l'informacion qu'ei disponibla suus sites de la Comunautat País Basco e de la Comunautat de comunas de Senhans atau com fisicament au sèti de las duas institucions. La possibilitat de portar contribucions qu'ei obèrta en linha, sus plaça o per corrièr.

Las modalitats deu dispositiu somés a consulta

Lo perimètre retienut pòrta sus 11 comunas litoraus, sector lo mei expausat a la pollucion atmosferica : Hendaia, Urrugne, Ciboure, Sent Joan de Lutz, Guéthary, Bidart, Biàrritz, Anglet, Baiona, Lo Bocau e Tarnòs. La ZFE-m que s'espandeish au nòrd (de Tarnòs a l'escambiader d'Urrugne) enter l'ocean e l'A63 e, au sud (escambiader d'Urrugne a Hendaia), enter l'ocean e la RD810.

Los veïcules qui seràn pas autorizats a circular dens aqueth perimètre que son los veïcules non classats (pas de vinheta Crit’aire) o Crit’aire 5, sia 5% deus veïcules matriculats a País Basco. Aquò que  concerneish :

• las autos e camionetas esséncia matriculats abans 1997 (mei de 28 ans en 2025) ;
• las autos e camionetas diesèls matriculadas abans 2001 (mei de 23 ans en 2025) ;
• los pes pesucs matriculats abans 2006 (mei de 19 ans en 2025) ;
• las duas ròdas motorizats matriculats abans 2000 (mei de 25 ans en 2025) ;

E puish ?

L'arrestat ZFE-m que serà pres au prumèr trimèstre 2025 per Jean-René Etchegaray, President de la Comunautat d'Aglomeracion e Isabelle Dufau, Presidenta de la Comunautat de comunas de Senhans, en hant compte de las contribucions recebudas pendent la consulta.

Los elegits qu'an egaument encontrat los lors omològues deu País Basco sud entà se coordinar dab los projèctes de ZBE (Cindre de Bajas Emisiones) metut en plaça a Irun, Donostia e Bilbao. Los purmèrs cònsols, las crambas consolaras (Cramba deus mestièrs e de l'artisanat, Cramba d'agricultura, Cramba de comèrci e d'industria) que son d'un aute costat estats associats qu'à l'elaboracion de la mesura aquestes mes.

De las derogacions voludas peus elegits  

Los elegits comunautaris qu'an volut conciliar l'obligacion de proteccion sanitària de las populacions au dret a la mobilitat entà tots. Qu'an hèit la causida d'ua ZFE-m simple e legeder, hant compte de las populacions fragilas e dependentas de l'automobila.

La Comunautat País Basco qu'a miat un estudi socioeconomic apregondit entà identificar las personas qui poirén encontrar dificultats dens la lor mobilitat quotidiana dab la mesa en plaça de la ZFE-m. Aqueth estudi qu'a permetut d'integrar aqueras questions de justícia sociau, d'acceptabilitat e de dret a la mobilitat dens lo projècte.  

De las derogacions locaus que son estadas previstas peus elegits e que's van aplicar a populacions o a activitats economicas plan dependentas de l'automobila e qui dispausan pas ressorsas necessàrias entà cambiar de veïcule : los servicis d'ajuda a domicili, los servicis d'acompanhament a las personas adultas en situacion de handicap, las personas atenhudas d'ua afectacion de durada (entà l'accès aus suenhs), las enterpresas e associacions d'insercion per l'activitat economica, las associacions de securitat civila, los comerçants non sedentaris, los productors de vitalhas alimentàrias vienent liurar la lor produccion, los engenhs d'obradors e los veïcules de colleccion.

Los elegits qu'an egaument desirat méter en plaça un Passa 24 dias s'adreçant a tots e permetent a tot veïcule non classat o Crit’aire 5 de circular dinc 24 dias per an dens la ZFE-m, sus declaracion dens lo futur portau internet de la ZFE-m. Aqueras derogacions locaus que s'ajustan a las exempcions nacionaus previstas peus tèxtes .

Aumentacion de l'auhèrta de transpòrt en comun

Entà auherir mei d'alternativas a l'auto individuau, l'auhèrta de transpòrt deu hialat TXIK TXAK que va aumentar de +30% autanlèu lo 6 de genèr de 2025 e l'amainatjament de navèths parcatges-relais (8 uei totalizant 1 250 plaças e 16 a tèrme qui totalizaràn 2 500 plaças).

Un dispositiu d'acompanhament que serà sosmetut aus elegits comunautaris au començar de 2025 entà ajudar los mei fragiles a cambiar de mòde de desplaçament o a cambiar de veïcule.