Renovatz lo vòste lotjament : l'Ostau de l'Abitat e de l'Energia be vse simplifica la vita !
Melhorar lo vòste confòrt, redusir las vòstas facturas d'energia o adaptar lo vòste lotjament aus vòstes besonhs, qu'ei possible gràcias a l'Ostau de l'Abitat e de l'Energia. Presenta a Baiona e Saint-Palais, atau com dens permanéncias per tot País Basco, que vs'acompanha dens los vòstes projèctes gràcias a conselhs personalizats, de las desmarchas simplificadas e de las ajudas financèras adaptadas.
Actualizat lo : 9 April 2025
Gràcia l'Ostau de l'Abitat e de l'Energia, renovar lo son lotjament n'ei pas jamei estat tanben simple ! Proprietari, logatari o coproprietari, l'Ostau de l'Abitat e de l'Energia qu'ei lo vòste interlocutor privilegiat entà renovar lo vòste lotjament. Com unic Espaci Conselh France Rénov’ de País Basco, que vs'auhereish un acompanhament gratuit e sus mesura. Qué desiràvatz melhorar la proessa energetica de la vòsta abitacion, adaptar lo vòste lotjament entà i víver mei longtemps o explorar las ajudas disponiblas, los sons conselhèrs que son aquí entà vse guidar.
Prenetz rendètz-vos per telefòne o per corric e que beneficiatz d'un entertien personalizat devath 72 òras dab un expèrt abitat, energia o thermicien. Que seratz aconselhat suus aspèctes tecnics, administratius e financèrs de las vòstas òbras, en estant orientat cap tà professionaus labellisés.
De las ajudas financèras adaptadas aus vòstes besonhs
La Comunautat País Basco que sostien activament las renovacions globaus performantas . Si las vòstas òbras permeten d'aténher ua etiqueta energetica A o B, que poiretz beneficiar d'ua rèsta a carga nul segon los vòstes revienuts.
Los conselhèrs de l'Ostau que vs'ajudan egaument a maximizar los dispositius existents : crèdits d'impòst, primas energia o enqüèra prèst avantatjós. Cada projècte qu'ei estudiat dab suenh entà optimizar los finançaments disponibles.
E si cercatz un lotjament sociau ?
L'Ostau de l'abitat e de l'energia ne s'arrèsta pas aquí ! Qu'acompanha egaument los candidats a un lotjament sociau dens totas las lors desmarchas : enregistrament de la demanda, seguit deu dossièr dinc a l'atribucion d'un lotjament.
Renovar lo son lotjament, qu'ei tanben agir entà la planeta.
Los bastiments a usatge residenciau que representan 13 % de las emissions de gas d'efèit de sèrra a País Basco, lo tresau pòst d'emission après los transpòrts e l'agricultura. En melhorant la lor eficacitat energetica, lo territòri que mira ua reduccion de -20 % d'ací 2030 e -73 % d'ací 2050. Dab l'Ostau de l'Abitat e de l'Energia, participatz ad aqueth esfòrç collectiu !
Informacions practicas
Deu dimars au divés de 9h a 12h e de 13h30 a 17h30 atau com lo 1erdissabte de cada mes sus rdv.
Telefòne : 05 59 44 77 80
Mail : maison.habitatcommunaute-paysbasquefr
→ Baiona : 3 avienguda deu Marechal Harispe
→ Saint-Palais : 1 Elizako Karrika
De las permanéncias suu territòri sus rendètz-vos exclusivament
- Bardòs (Ostau França Servicis Eihartzea)
199 Rota de Bidaishe
Lo 1èr dimars de cada mes de 9h a 12h - Maulion-Licharre (Ostau França Servicis)
14 Carrèra deus Hrairs Barenne
Lo 1èr divés de cada mes de 9h a 12h - Sent Jan-Pè-de-Pòrt (Ostau França Servicis)
1 Carrèra deus Pastors
Lo 2ème dimèrcs de cada mes de 9h a 12h - Sent Joan de Lutz (CCAS/Ostau França Servicis)
1 Carrèra Augustin Chaho
Lo 2ème divés de cada mes de 9h a 12h - Hasparren (Pòle territoriau País de Hasparren)
54 Carrèra Francis Jammes
Lo 3au dijaus de cada mes de 9h a 12h - Itxassou (Pòle territoriau Errobi)
561 Errobi Lan Eremuko bidea
Lo 3au dijaus de cada mes de 14h a 17h