Episòdi 6 : Renée Carrique, l'enveja de politica
Maire d'Idaux-Mendy e prumèra vicepresidenta de la Comunautat d'Aglomeracion País Basco, Renée Carrique que hè pròva deu son engatjament en politica, de la soa enveja tostemps intacta e deu son estacament a la causa publica. Que convida autas hemnas a créder en las lors competéncias.
Actualizat lo : 3 March 2025
« Quan me soi lançada en 2014 entau men prumèr mandat de purmèr cònsol a Idaux-Mendy, n'avèvi pas tròp dobte pr'amor que coneishí lo miei de la politica en Sola, despuish joena. La causa publica que hè partida deu men ADN, que hida Renée Carrique, a l'apròchi de la jornada internacionau deu dret de las hemnas de l'8 de març. Qu'èi mei avut de dobtes tà çò de l'amplor de la tasca, lo hèit de cumular mantun ròtle. Mes qu'avèvi un avantatge, l'enveja d'i anar. »
Purmèr ua question d'enveja
Entà l'elegida souletine, purmèr cònsol d'Idaux-Mendy, se lançar en politica qu'ei purmèr e abans tot ua question d'enveja . « enveja que resulta la qualitat de l'engatjament politic », ce estima. Qu'ei tanben ua question d'organizacion . « D'aqueth costat, que m'i coneishi, ce apièja. Qu'ei l'ua de las meas qualitats. » Entà privilegiar la soa vita de familha, essenciau au son equilibri, qu'a amainatjat lo son temps de tribalh e qu'organiza las soas divèrsas representacions politicas, au cap de la soa comuna e dens la Comunautat País Basco on aucupa lo pòst de prumèra vicepresidenta ne carga de las ressorsas umanas.
Qu'ei dilhèu entad aqueth darrèr mandat qui a avut lo mei a soscar. Quan, en 2020, lo president Jean-René Etchegaray que'u prepausa la foncion, qu'ei purmèr suspresa . « Qu'èi ressentit aunor mes tanben un certan verdigòu, çò qu'ei vertat . Que'm soi pausat hèra questions ». questions qui nat òmi se pausa pas jamei, que l'avèva eslissat Jean-René Etchegaray . « Qu'avèva rason, fin finau, las barrèras, que'us me metí tota sola . »
Un complèxe lèu trebatent
Un complèxe que meterà drin mei de temps a se dissipar, lo hèit d'estar ua elegida gessida deu monde rurau e d'accedir ad aqueth pòst de prumèra vicepresidenta dens aquera impausanta amassada. « Fin finau, que soi estat, com la rèsta deus mens collègas, hèra plan arcuelhuda. Que soi estat respectada per totas e tots. » Un respècte qui tien a méter endavant dens cadua de las soas relacions. Uei, Renée Carrique que ditz non pas arren plànher d'aquera vita dedicada a la causa publica. « Qu'èi aprés a víver tres jornadas de tribalh en ua e que ressenti, uei enqüèra, de la satisfaccion a véder avançar las causas. Com dens la comission extrà-municipau « Egalitat hemnas-òmis ». Qu'arribam a impulsar causas concrètas. Que soi anada qu'i a drin dens un vilatge souletin e las afichas contra las violéncias sexistas de l'Agglo que figuravan en bona plaça . Pròva de l'adesion e que ns'enganam pas. »
L'escadença entà l'elegida souletine de logar lo ròtle de Martine Bisauta que'n carga d'aquera delegacion, qui a sabut, dab lo son estile, « incarnar aqueth combat entà ua representacion melhora de las hemnas dens la societat e federar. E, com dit Martine, ‘mei que seram nombrosas a pòstas a responsabilitat, mélher aquera societat que’ evoluarà . Que convidi donc totas lo qui dobtarén a passar lo cap e a se lançar dens l'aventura. »
Véder tots los episòdis de la websérie « 8 de març : aqueras hemnas qui copan lo plafon de veire »