Mugaz gaindiko topaketak «Mugaz gaindikoa: lurraldeetako bidea/x ?» 3. edizioa
Wed 12 February
Baiona
De navèths articles reciclats dens las 25 deisherias de País Basco
En collaboracion dab lo Sindicat Bil la toa Garbi, la Comunautat País Basco que desplega d'ara enlà navèras cordèras de tria dens las 25 deisherias deu territòri entaus produits e materiaus de construccion, los articles de bricolatge, de jardin e los jòcs e joguets e articles d'espòrt e lésers.
Actualizat lo : 11 December 2024
La Comunautat País Basco, en collaboracion dab lo Sindicat Bil La toa Garbi, qu'a equipat las soas 25 deisherias dab de navèras benas o caishas d'estruç entà que cada objècte sia orientat dens la bona cordèra de reciclatge entà èste valorizat. Dinc ací nombre d'aqueras dèishas qu'èran enterrats .
Que serà d'ara enlà possible entaus usatgèrs de triar mei finament los objèctes seguents dont se vòlen separar :
- Los produits e materiaus de construccion deu bastiment, en separant lo plastre e las menuserias
- Los articles de bricolatge e jardin dab ua separacion enter las atrunas termicas e non termicas
- Los jòcs e joguets
- Los articles d'espòrt e lésers
Entà acompanhar los usatgèrs dens aquera evolucion deu lor gèste de tria :
Los agents d'arcuelh que's tienen a la lor disposicion entà los guidar e los informar
Lo hialat deus Animators de la Reduccion e de la Tria de las Dèishas de Bil La toa Garbi que serà egaument present entà respóner a totas las questions sus aqueras disposicions navèras
- 77 500 En 2023, 77 500 tonas de dèishas que son estats depausats dens las 25 deisherias de País Basco entà 18 cordèras de valorizacion/reciclatge activas (dèishas verdas, hustas, herralha, cartons, mobiliari…). Dab aqueras cordèras navèras a har un tribalh d'installacion, la deisheria que ved lo son ròtle ahortit en contribuant au desvolopament duradís deu territòri e en garantint un servici public de proximitat, utila a tots. En 2025, la Comunautat País Basco que desvoloparà d'un aute costat zònas de reemplec dens las soas deisherias. L'objectiu estant de prepausar aus usatgèrs ua solucion alternativa au « tot-getar » : que poiràn méter a disposicion los lors objèctes e materiaus ad autes usatgèrs o a associacions.
