Demandar ua plaça dens ua estructura d'arcuelh de l'enfança petita sus Errobi

Aquera desmarcha qu'ei en experimentacion suu pòle Errobi e que poiré estar generalizada a tota l'Aglomeracion País Basco

Estapa 1 : Jo prat-qu'inscrivi la mea o los mens mainatges

La preinscripcion qu'ei ua estapa obligatòria entà l'analisi de la vòsta demanda de plaça en arcuelh petita enfança. Los parents residint, s'installant o tribalhant suu territòri d'Errobi que son prioritaris sus las plaças qui son atribuïdas.

Las 11 comunas concernidas : Arcangues, Bassussarry, Kanbo, Espelette, Halsou, Itxassou, Jatxou, Larressore, Louhossoa, Souraide, Ustaritz.

A notar :

• Si la vòsta demanda concerneish mantun mainatge arcuelhut au medish moment, n'avetz pas qu'ua sola demanda a har.
• Si los vòstes mainatges deven har la lor rentrada a datas diferentas (èx : lo 1^er mainatge en mai e lo 2^nd en seteme), que devetz efectuar duas demandas diferentas.
• Los 2 parents que deven enviar un sol e quitament dossièr, quan seràn separats. Los 2 parents que receben un acusat de recepcion de la lor demanda .

Ua comission que s'amassè dus còps per an (a la davalada e a la prima) entà atribuïr las plaças en grépia.

Lo vòste dossièr n'ei pas presentat davant la comission que si :

• au mensh un deus vòstes vòts que concerneish ua grépia . Senon, lo vòste dossièr qu'ei transferit a las autas estructuras d'arcuelh (assistent mairau, MAM, micro-grépia) qui prenen dirèctament contacte dab vosauts ;
• lo vòste dossièr qu'ei complet e que plea las condicions d'eligibilitat ;
• lo vòste dossièr qu'ei enviat 30 dias abans la data de la comission d'atribucion.

Aquera preinscripcion que deu estar realizada au près d'un professionau deu Guichet unic Petita Enfança Errobi per telefòne o sus rendètz-vos (véder la rubrica « Qu'èi besonh d'ajuda », au hons de pagina).

Estapa 2 : Que recebi ua responsa a la mea demanda

Cas n° 1 : La vòsta demanda ne concerneish pas plaça en grépia collectiva

Que recebetz dirèctament ua responsa deu Guichet Unique qui vs'orientarà cap tà l'estructura desirada (assistent mairau, MAM, micro-grépia).

Cas n° 2 : La vòsta demanda que concerneish ua plaça en grépia

Que recebetz ua responsa de la comission d'atribucion de las plaças en grépia dens un delai maximum de 30 dias après la data de la comission.

• Si lo vòste dossièr ei acceptat, l'estructura retienuda que pren contacte dab vosauts entà fixar las modalitats d'arcuelh e establir un contracte (véder estapa 3).
• Si lo vòste dossièr ei pas acceptat, que recebetz un corrièr oficiau vs'informant impossibilitat d'arcuelh. Aqueth corrièr qu'ei acompanhat d'un copon responsa qui'vs permet de mantiéner la vòsta demanda de plaça entà la comission vienenta o d'anullar la vòsta demanda. Aqueth copon que deu estar renviat per corrièr o per corric au Guichet unic petita enfança Errobi dens un delai de 30 dias a partir de la data de recepcion deu corrièr.

Estapa 3 : Que confirmi la mea plaça

Si la vòsta demanda de plaça en grépia ei acceptada, qu'avetz 15 dias maximum entà confirmar lo vòste engatjament au près de l'estructura d'arcuelh. Aquera confirmacion que's pòt har per corric o pendent lo 1^e rendètz-vos dab l'estructura d'arcuelh.

L'estructura d'arcuelh que'vs recep entà concludir lo contracte e vse presentar las modalitats d'arcuelh deu vòste o los vòstes mainatges.