Qu'innòvi a País Basco

Qué l'innovacion ?

L'innovacion que consisteish a començar dab escaduda ua idèa navèra e a crear valor entà la vòsta clientèla e las partidas beneficiàrias. L'innovacion que pòt tocar quau que sia aspècte de las vòstas activitats e que poiré estar dejà estada començada dens ua auta enterpresa. Que's pòt agir d'un plan entà melhorar un produit o un servici, d'un metòde actualizat entà miar las vòstas activitats o d'un modèle navèth d'ahars. L'innovacion que supausa egaument la creacion de valor .

L'innovacion que pòt atau ajudar la vòsta enterpresa a :

1. transformar lo son modèle d'ahars entà s'adaptar a un environament en evolucion ;
2. respóner aus besonhs actuaus mes non comolats suu mercat ;
3. méter en mercat navèras tecnologias, de navèths produits o de navèths servicis ;
4. crear tots naus mercats ;
5. reagir a las perturbacions deu mercat.

De quaus ajudas que pòdi beneficiar ?

Qu'ètz un portaire de projècte innovant e que desiratz estar guidat entad ac desvolopar, la Comunautat País Basco que vs'acompanha dens totas las desmarchas d'aqueth procediment complèxe .

Un acompanhament tecnic

Aquò rai lo nivèu de maturacion deu vòste projècte, la Comunautat País Basco vs'ajuda e que vs'aconselha a cadua de las estapas-claus de desvolopament :

• Estudi de marchat/clientèla (concurréncia, coneishença deu territòri, business plan, etc.) ;
• Reglamentacion e fiscalitat ;
• Recèrca de finançaments (Hons Europèus, Regions, Departaments, Comunautat País Basco, etc.) ;
• Desmarchas administrativas.

Un acompanhament financèr

Au delà deu supòrt tecnic, la Comunautat País Basco que sostien financèrament las enterpresas innovantas deu territòri .

La Tecnopòli País Basco

La Tecnopòli País Basco que met en sinergia, a l'entorn deu subjècte de l'innovacion, los actors de la recèrca, de la formacion e las enterpresas innovantas.

Portada per la Comunautat País Basco, la Tecnopòli País Basco que s'organiza a l'entorn de 6 cordèras e mantun site :

• Izarbel a Bidart, sus las Industrias e servicis deu numeric ;
• Technocité a Baiona, sus l'aeronautica e los materiaus avançats ;
• Arkinova a Anglet, sus la construccion duradissa ;
• ID Ocean, innovacion duradissa au servici de l'Ocean, dab Créaluz a Sent Joan de Lutz ;
• l'agricultura/agroalimentària en Amikuze ;
• las industrias de la santat e de la Med'Tech a Bidart e Kanbo.

Èste acompanhat per Tecnopòli País Basco que'vs permet un seguit personalizat per un referent cordèra tot lo long deu desvolopament deu vòste projècte.