Que hèi estauvis d'energia

Perqué har estauvis d'energia ?

• En realizant estauvis d'energia, que's realiza economias tota cort . Las despensas relativas a l'energia (transpòrt e lotjament) que's lhevava en 2019 a 9% deu budget deus cobles. Ua chifra en constanta aumentacion aquestas annadas (hont : Ministèri de la transicion ecologica) ;
• En 2021, l'energia finau consumida a País Basco que provien entà 56% d'energias fossilas (petròli, gas, carbon) (Hont : AREC, 2024). Mensh de consomacion d'energia, qu'ei mensh de gas d'efèit de sèrra e donc mensh de pollucion ;
• Consumir mensh d'energia, qu'ei tanben preservar la nosta autonomia energetica.

Quauquas chifras-claus

• A País Basco, la consomacion d'energia finau (qui compta pas la fabricacion) que's lhevava en 2021 a 6 799 gigawatt òras (balhadas AREC 2021) ;
• Mei de 70% de las nostas consomacions que vienen de las nostas activitats domesticas :
  • Transpòrt : 37% ;
  • Lotjament : 34% ;
• La rèsta que correspon aus besonhs de las enterpresas : 
  • Servicis e administracion : 15% ;
  • Industria : 12% ;
  • Agricultura : 2% ;

Las nostas accions individuaus qu'an donc un impacte significatiu !

Com limitar las soas consomacions d'energia ?

Melhorar lo son lotjament

• Lo lotjament qu'ei lo 2^èmepòst de consomacion d'energia a País Basco (34%), après los transpòrts.
• De las ajudas qu'existeishen entà melhorar la proessa energetica deu vòste larèr (òbras d'isolacion, remplaçament deus aparelhs de cauhatge vetustes). Ací, que quauqu'un vse presenta los diferents dispositius dont podetz beneficiar ;
• Deus Ostaus de l'Abitat e de l'Energia qu'existeishen a País Basco e que'vs guidan dens totas las vòstas desmarchas .

Cambiar las soas costumas de desplaçament

• Lo transpòrt que representa 37% de la consomacion energetica finau de País Basco ;
• Si aquera consomacion afècta plan marginaument lo hialat electric, ne'n demora pas mensh primordiau entà har baishar las nostas emissions de gas d'efèit de sèrra ;
• Ací, que quauqu'un vs'explica com privilegiar las mobilitats doças au quotidian o cambiar las vòstas costumas n'auto.

Redusir lo gaspilhatge

Los gèstes petits deu quotidian que son lo prumèr pas cap a ua consomacion mei responsabla . 
Aquí ua lista (non exaustiva) d'accions qui podetz aisidament adoptar.

Au vòste domicili

• Que conservatz ua temperatura a 19° dens lo vòste lotjament e a 16° o 17°, en cas d'abséncia dens la jornada e pendent la nueit ;
• Blocatz las entradas d'aire hred, que tapoatz las pòrtas balhant sus l'exterior o sus pèças non cauhadas, dab trips entà baish de pòrtas ;
• Escantitz completament los vòstes aparelhs ne velha (bòx, TV, ordenador, consòlas de jòcs, etc.). Escantir las velhas que pòt perméter d'estauviar dinc a 15 % de la factura d'electricitat (hòra cauhatge e aiga cauda), sia mei de 100 € per an ;
• Escantitz las lutz quan quitatz ua pèça. Privilegiatz las ampolas LED qui duran 40 000 òras, en mejana. Qu'ei 40 còps mei qu'ua ampola estandarda ;
• Utilizatz lo vòste lavavaishèra o lo vòste lavapelha a plen. Preferitz las mòdas éco ;
• Quan cosinatz, que pensatz a cobrir las vòstas caceròlas. Copatz las vòstas placas electricas drin abans la fin de la cueita e que deishatz en·hredar los vòstes plats abans de'us méter au refrigerator.
• Limitatz lo temps de las dochas. Installatz mousseurs o deus reductors de debits suus robinets. Reglatz lo vòste balon d'aiga cauda a 55° ;
• Utilizatz colors claras entà la vòsta decoracion interiora. Evitatz los viralutz e luminaris escurs e occultants ;

Au burèu

• Escantitz completament lo vòste ordenador e lo vòste ecran quan quitatz lo tribalh ;
• Privilegiatz l'estocatge locau au cloud ;
• Hèitas la tria dens las vòstas boitas corric e suprimir los corrics inutiles ;
• Privilegiatz l'audio a la visio entà las vòstas reünions a distància.

Consumir en desplaçat

• Desplaçar daubuns usatges que permet tanben de velhar a la continuitat de la hornidura en electricitat. EcoWatt qu'informa moments on los éco-gèstes qu'an lo mei d'impacte suu sistèma electric ;
• Los pics de consomacion que's situan enter 8h e 13h e 17h30 e 20h30.

Crompar mei duradís

• Abans de crompar navèths aparelhs, ce avetz pensat a los har reparar ? solucions qu'existeishen a País Basco . Ací, que quauqu'un vs'explica com balhar ua 2 ^ème vita aus vòstes objèctes domestics.
• Entà las vòstas crompas de navèths aparelhs, que privilegiatz los modèles economics en vse referint a las etiquetas energia. Cada diferéncia d'ua classa que representa de l'ordi de 15 a 20% d'economia. Que podetz utilizar lo comparader de crompa Top Ten entà vse guidar ;
• Crompar mei duradís, qu'ei tanbenconsumir locau. Circuits corts, hialats de comerçants locaus, solucions b'existeishen !

Un guida entà vse lançar

Entà vs'ajudar a har la caça deu gaspilhatge e méter en plaça écogestes pas a pas, que podetz telecargar lo guida deus 100 gèstes utiles produsits peu Desfís-descliquetadas (document non compatible dab los sistèmas d'assisténcia tecnologica taus com un legidor d'ecran).