Subvencions entà la montanha basca
Ajudas financèras entà sostiéner projèctes collectius qui a per mira de mantiéner ua montanha viva e abitada a l'annada. Ouvert a tot tipe d'estructuras. Envolopa de 250 000 € per an, dinc en 2026.
Actualizat lo : 27 November 2024
Ouvert a las candidaturas Recevable tota l'annada
Ajuda financèra Ajuda tecnica
Qu'avetz un projècte, mei o mensh matur ? Abans tota causa, contactatz-nse. Que vs'ajudaram a formalizar la vòsta demanda e lo vòste plan de finançament (coordinadas au hons de pagina).
Los enjòcs
Los projèctes que deven perméter de mantiéner ua montanha viva e abitada. Entà aquò, que deven respóner a un deus 4 desfís seguents :
- Desfís 1 : vilas e vilatges dinamics (accès au lotjament, mobilitat en montanha, vita deus vilatges e dinamicas valléennes)
- Desfís 2 : un territòri organizat e gerit - en transfrontalèr - ( gestion en comun, activitat pastorau, zònas intermediàrias, riscs naturaus e cambiament climatic, coabitacion de las activitats)
- Desfís 3 : terradors de qualitat (equilibri enter agricultura, torisme e lésers, circuits corts e produccions alimentàrias, estructuracion de cordèras sustot hustas, patrimònis e paisatges, transicion ecologica e energetica, ligam biodiversitat/pastoralisme)
- Desfís 4 : hemnas e deus òmis qui meritan d'èste (re)coneguts e legitimats (aculturacion a las realitats de la montanha, mobilizacion deus joens, plaça de la hemna en miei rurau).
Beneficiaris
Collectivitats locaus, establiments publics, comissions sindicaus, crambas consolaras, oficis de torisme, associacions, cooperativas, gropaments professionaus,…
Los beneficiaris que's deven inscríver dens ua desmarcha collectiva e/o participativa. Aquò que pòt estar dens la definicion deu projècte e/o dens la soa començada :
- projècte au profieit de mantun beneficiari, associacion, mesa en hialat d'actors ;
- articulacion e coheréncia dab autes projèctes existents deu territòri ;
- integracion/implicacion/participacion deus beneficiaris deu projècte (abitants, usatgèrs,...).
Tipe de projèctes eligibles
Los tipes de projèctes eligibles que son los seguents :
- De las desmarchas collectivas favorizant l'animacion de dinamicas valléennes
- De las iniciativas locaus (re)creant ligam sociau e intergeneracionau
- Deus equipaments/servicis au public vienent confortar l'atractivitat e lo ligam sociau deus vilatges de montanha (darrèr comèrci sustot)
- De las experimentacions sus solucions alternativas de mobilitat /accès au lotjament
- Deus projèctes collectius vienent preservar e dinamizar l'activitat pastorau
- Deus projèctes qui a per mira de melhorar la coabitacion de las activitats e la gestion deu multi-usatges
- Deus estudis e accions de prevencion permetent d'anticipar o de redusir los riscs/impactes deus azards naturaus e deu cambiament climatic
- De las experimentacions e iniciativas collectivas valorizant las zònas intermediàrias
- Deus projèctes de valorizacion deus produits d'activitats agricòlas e forestièras dens ua logica d'alimentacion sana e duradissa
- Deus projèctes permetent l'estructuracion e lo desvolopament de la cordèra que bevi
- Deus projèctes de gestion, mesa en valor patrimoniau e toristica e regulacion deus flux dens sites o massís emblematics
- De las accions participativas de preservacion e valorizacion deu patrimòni naturau e culturau
- Deus projèctes favorizant e valorizant la transmission
- De las practicas e saber-har especifics d'aqueth territòri de montanha
- Deus projèctes encoratjant e valorizant la mobilizacion deus joens dens la vita locau e l'aviéner d'aqueth territòri de montanha
- Deus projèctes encoratjant l'egalitat hemna-òmi e valorizant la plaça de las hemnas dens la vita locau
A notar : l'organizacion d'eveniments o de manifestacions n'ei pas eligibla aus finançaments Montagne (dab l'excepcion de daubuns aperets a projèctes).
Montant de l'ajuda
Lo montant atribuït que serà especific a cada projècte . Que vs'ajudam a elaborar los vòstes plans de finançament en assegurant un relai après ensemble deus autes financeurs (Estat, Conselh Regionau de Navèra- Aquitània e Conselh Departamentau de Pirenèus Atlantics).
La Comunautat País Basco qu'a previst un hons de 250 000 € per an, dinc en 2026.
Qu'ei, d'un aute costat, possible de mobilizar finançaments europèus entà projèctes estructurants. 4 milions d'euros de FEDER e Miaire que son ciblats entà la Montanha suu periòde 2023-2027.
La causida deus dossièrs finançats
La comission Montagne de la Comunautat País Basco, compausada de 30 elegits de la CAPB, 7 elegits gestionaris collectius de massís, 21 socio-professionaus, e deus partenaris convidats, qu'analisarà los projèctes e qu'emeterà un avís qui serà transmetut a las instàncias deliberativas.
Aquesta que s'amassè 3 a 6 còps per an. Qu'ei presidida per Jean-Baptiste LABORDE-LAVIGNETTE, purmèr cònsol de Sare.
Los projèctes que seràn examinats au par deus aspèctes seguents :
- l'interès deu projècte en responsa a l'un deus 4 desfís ;
- la dimension collectiva e/o participativa averada deu projècte ;
- l'inscripcion deu projècte cap aus enjòcs deu desvolopament duradís (contravent sociau, economic, transicion ecologica e energetica) ;
- l'aspècte novator/experimentau/transferible.
La mea demanda d'ajuda
Que devetz depausar ua demanda au près deu servici Montagne de la CAPB. Entà aquò que cau renviar lo formulari telecargable ací devath a : montagne.paysbasquecommunaute-paysbasquefr
Questions frequentas
Que soi un particular, e qu'èi un projècte qui respon a un desfís de la montatge, e soi eligible ?
Non, sols los projèctes collectius e/o participatius que son eligibles .
Qu'èi mau a formalizar lo men projècte, que pòdi aver ajuda ?
Quiò, las animatoras qu'an entà mission de vs'acompanhar dens la construccion deu vòste projècte. Que'vs poiràn ajudar a trobar partenaris tecnics e financèrs, vse portar la lor expertesa suu contienut deu vòste projècte au par deus esperat de la politica montanha.
Que desiri organizar ua manifestacion, ce soi eligibla ?
Non. L'organizacion d'eveniments o de manifestacions n'ei pas eligibla aus finançaments Montagne (dab l'excepcion de daubuns aperets a projèctes).
Com saber quan lo men projècte passa en comission ?
Las animatoras que vs'indicaràn la data, e que vs'explicaràn com l'audicion se passarà.
Qu'èi besonh d'ajuda
E avetz un projècte ? Abans tot depaus de demanda de subvencion, que vs'aconselham de préner contacte en amont au près de l'equipa qui's tien a la vòsta disposicion entà respóner a las vòstas questions e vs'acompanhar :
- Emmanuelle YOHANA : +33 6 73 78 97 87
- Cécile AGUERRE : +33 6 50 79 66 58
- Kattin TEILLERIE : +33 5 59 57 89 54