Sostien aus eveniments culturaus
Ajudas dinc a 15 000 € entà acompanhar las associacions culturaus de País Basco a difusar lo lor tribalh sus l'ensemble deu territòri.
Actualizat lo : 3 January 2025
Ouvert a las candidaturas : 15 March 2025
Ajuda financèra
Realizable per internet
Aquera ajuda qu'ei obèrta deu 1èr de genèr de 2025 au 15 de març de 2025, miejanueit. Tot dossièr recebut hòra datas indicadas ne serà pas tractat.
Publics eligibles
Aquera subvencion qu'ei reservada a las associacions de tipe lei 1901 :
- dont l'objècte estatutari ei culturau, lhevat derogacion excepcionau, dens las cordèras artisticas seguentas : teatre e arts associadas, dança, musica e arts visuaus ;
- dont la sedença sociau ei situada suu territòri de la Comunautat d'Aglomeracion País Basco, e justificant d'au mensh un an d'existéncia (o de la perseguida de la medisha activitat en cas de simple cambiament de nom) ;
- en règla de las lors obligacions professionaus (pagament deus salaris, impòst e taxas, respècte de las obligacions legaus e reglamentàrias relativas a l'activitat exercida, drets d'autors, etc.) ;
- emplegant a minima 1 Equivalent Temps Plen (ETP) en Contracte a Durada Determinada (CDD) e/o en Contracte a Durada Indeterminada (CDI) sus un pòst administratiu ;
- organizant un eveniment annau d'au minímum dus dias consecutius suu territòri de l'Aglomeracion (hestaus, salons, exposicions évènementielles, etc.) relatius a las disciplinas teatre e arts associadas, dança, musica, cinèma e arts visuaus, o relatius a la literatura joenessa basca/occitana-gascona ;
- qui justifican d'au mensh ua annada d'existéncia o de la continuitat de l'activitat en cas de cambiament de nom, au moment deu depaus deu dossièr.
Los candidats ne pòden pas presentar qu'un sol dossièr per an e per estructura.
Critèris d'atribucion
Entà estar eligible a ua subvencion, lo projècte que deu estar en adeqüacion dab los èishs estrategics deu projècte culturau de la Comunautat País Basco e respóner a au mensh dus de las quate ambicions seguentas :
1. Favorizar ua auhèrta culturau de qualitat, innovanta e creativa entà l'enfança e la joenessa
Aqueth objectiu que pòt sustot estar apreciat peus critèris ací devath :
- Las competéncias professionaus de l'associacion ;
- La creacion d'òbras a l'intencion de l'enfança e de la joenessa, e sustot d'òbras en euskara o en occitan-gascon ;
- La difusion d'òbras a l'intencion de l'enfança e de la joenessa, e sustot d'òbras en euskara o en occitan-gascon ;
- Las accions de mediacions e/o d'educacion artistica e culturau ;
- L'encoratjament a las practicas amatoras per accions de mediacion e d'educacion artistica e culturau dab l'intervencion de professionaus (projèctes d'EAC, estagis, mastèr class, encontres pendent residéncias, talhèrs…).
2. Favorizar ua auhèrta culturau de proximitat, diversificada e de qualitat dab la mira d'accroitre la circulacion de las òbras e deus publics sus l'ensemble deu territòri comunautari
Aqueth objectiu que pòt sustot estar apreciat peus critèris ací devath :
- La creacion d'òbras e la lor difusion sus tot lo territòri, sustot en dehòra de la comuna d'implantacion de l'associacion ;
- La provenença significativa deu public de mantua comuna deu territòri ;
- La realizacion d'accions culturaus divèrsas sus mantua comuna de l'aglomeracion ;
- La capacitat a desvolopar projèctes en cooperacion dab autas estructuras deu territòri ;
- Ua politica tarifària adaptada.
3. Contribuar a l'estructuracion d'ua de las cordèras artisticas cibladas : teatre e arts associadas, dança, musica e arts visuaus
Aqueth objectiu que pòt sustot estar apreciat peus critèris ací devath :
- La realizacion d'ua avaloracion de l'impacte deu projècte globau sus la cordèra corresponenta ;
- Un modèle economic coherent, a las ressorsas diversificadas ;
- La capacitat a crear o securizar emplec qualificat e perenne ;
- Lo desvolopament d'activitats ligadas a la cordèra corresponenta, rajant dens lo territòri locau e regionau / transfrontalèr ;
- Lo desvolopament deu mentorat, d'intervencions dens los camps deus ensenhaments artistics, de la formacion superiora, etc.
4. Préner en compte los enjòcs de transicion ecologica e energetica entà redusir l'impacte negatiu deu projècte globau sus l'environament, e préner en compte los enjòcs solidaris
Aqueth objectiu que pòt sustot estar apreciat peus critèris ací devath :
- La realizacion d'un diagnostic de l'activitat de l'associacion e d'accions qui a per mira de redusir l'impacte deu projècte globau sus l'environament en conformitat dab lo Plan Climat País Basco :
- L'encoratjament o l'organizacion deus desplaçaments collectius ;
- La reduccion de las consomacions en energia ;
- Lo recors a produits alimentaris sans e duradís ;
- La reduccion de las dèishas e lo reemplec ;
- La practica deus circuits corts ;
- L'utilizacion de l'Eusko, la moneda locau de País Basco ;
- L'ahortiment de la mediacion enter patrimòni culturau e naturau.
- L'establiment d'accions inscrivent las questions d'egalitat enter las hemnas e los òmis e la luta contra las discriminacions au còr deu foncionament de l'associacion.
Irrecevabilité
Ne son pas recevables las demandas entà l'organizacion :
- d'eveniments pontuaus de mensh de 2 dias consecutius ;
- d'eveniments d'animacion e de lésers a vocacion purament locau (hèstas de vilatge, carnavals, rituaus, etc.) ;
- de manifestacions a caractèr religiós, umanitari, caritatiu, politic o sindicau ;
- de manifestacions de tipe comerciau (hèiras, brocantas, mercat artisanau, mercat de nadau, vueit solèr, etc.) ;
- d'eveniments nacionaus (hèsta deu libe, jornada deu patrimòni, hèsta de la musica, 14 de julhet, etc.) ;
- de manifestacions organizadas a l'escadença de l'anniversari d'ua estructura culturau ;
- d'estagis de practicas artisticas, acadèmias e mastèr classas ;
- d'eveniments hòra deu territòri de la Comunautat País Basco
Modalitats de sostien
Lo montant de la subvencion atribuïda qu'ei calculat segon las modalitats seguentas :
| Tipe d'ajuda | Perimètre aplicader | Montant de l'ajuda (en € HT) |
|---|---|---|
| Ajuda sòcle | Eveniment | Maximum 10% deu totau de las cargas de l'annada N-1 |
| Ajuda complementària | Bònus euskara / occitan-gascon | Dinc a 8000€ |
Lo montant totau de l'ajuda au foncionament ne pòt pas despassar 15000€ HT.
Detalh de las condicions d'atribucion de las ajudas
Ajuda sòcle
Lo nivèu deu montant de l'ajuda sòcle que pòt estar modulat a la baisha, quitament tornat a zèro, en foncion deus resultats de l'analisi financèra realizada suu Compte de Resultat e Bilanç financèr de l'annada N-1 (nivèus d'excedent, de dinereria, de hons nets…).
En cas de fluctuacion importanta de budget d'ua annada sus l'aute, la Comunautat País Basco que's resèrva la possibilitat de retiéner ua mejana de las chifras d'ahars suus 2 o 3 darrèras annadas.
Ajuda complementària : bònus euskara / occitan-gascon
Entà encoratjar los actors culturaus a balhar ua plaça importanta a la lenga basca/occitana-gascona, ua bonificacion indexada suu nivèu d'engatjament de cada actor dens las lors accions qu'ei metuda en plaça :
- Engatjament n°1 : que /comuniqui en euskara occitan-gascon
- Engatjament n°2 : qu'auhereishi/un servici en euskara occitan-gascon
Entà facilitar l'accès ad aqueths engatjaments, un acompanhament complementari en matèria de politica lingüistica que serà prepausat aus actors culturaus volontaris .
Ajuda au foncionament = ajuda sòcle + ajuda complementària
L'ajuda au foncionament que constitueish lo cumul de l'ajuda sòcle e de l'ajuda complementària.
L'ajuda au foncionament qu'ei cumulabla dab las ajudas au projècte de difusion e de creacion de la Comunautat País Basco. Mes n'ei pas cumulabla dab las ajudas aus ensenhaments artistics e l'Aperet a projèctes Pindar de la Comunautat País Basco.
A telecargar
- Règlement d'intervention pour l'accompagnement financier des acteurs culturels PDF - 5 pages - 167,14 Ko
Modalitats particularas
- L'autrei de l'ajuda au foncionament que va de par dab la signatura d'ua convencion d'objectius e de mejans multipartite d'un an a tres ans, renovelable devath condicions, associant a minima ua comuna deu territòri de la Comunautat País Basco, per l'atribucion d'ua ajuda financèra e/o per apòrts en industria (mesa a disposicion de locaus, mesa a disposicion de competéncias tecnicas, etc.).
- L'ajuda qu'ei reconductibla sus la durada convienuda deu convencionament . Lo montant de l'ajuda qu'ei totun definit cada annada per deliberacion deu Conselh permanent de la Comunautat País Basco.
- Lo convencionament n'ei pas necessàriament reconductible a la fin deu periòde d'acompanhament multipartite.Avaloracion
Los objectius pausats dens lo convencionament que son avalorats pendent ua reünion de bilanç annau dab la Direccion de las Associacions Culturaus.
Sortida deu convencionament
Un acompanhament a la sortida deu convencionament d'un an, calculat sus la basa de 50 % deu montant de l'ajuda de la darrèra annada deu convencionament, que poirà estar prepausat, devath condicions, a las associacions qui renovelaràn pas lo lor convencionament.
Las associacions ne pleant pas mei las condicions d'accès au convencionament que poirén véder lo lor convencionament s'acabar e aqueste non pas estar recondusit.
La mea demanda d'ajuda
Los portaires de projèctes que deven adreçar lo lor dossièr de candidatura per Internet, en pleant lo formulari de candidatura en linha.
Las candidaturas que deven estar acompanhadas, dens la mesura deu possible au moment deu depaus, de las pèças constitutivas deu dossièr.
Los portaires de projèctes qu'i poiràn júnher tots los documents utiles a la compreneson deu lor projècte. pèças complementàrias que poiràn estar demandadas peus servicis de l'Aglomeracion.
A recepcion deu dossièr de subvencion, un acusat de recepcion qu'ei adreçat devath 15 dias a cada portaire de projècte. Ne presumeish pas de nada manièra de la receptibilitat deu dossièr .
Las condicions de versament de l'ajuda e de contròle que son detalhadas dens lo Reglament Quadre telecargable ací devath.
Decision d'atribucion
Las demandas que hèn l'objècte d'ua instruccion tecnica . Que son puish presentadas en Comission Cultura.
Si lo projècte ei retienut, qu'ei sosmetut au vòte deu Conselh permanent . La deliberacion presa peu Conselh permanent qu'ei adreçada au Prefècte entà contròle de legalitat.
Ua letra de notificacion qu'ei puish enviada au portaire de projècte.
Versament de la subvencion
Entà tota subvencion atribuïda superiora a 23000€, ua convencion que deu estar signada enter la Comunautat País Basco e lo portaire de projècte. La convencion que descriu l'objècte de la subvencion atau com los engatjaments deu portaire de projècte e de la comunautat d'aglomeracion.
Lo versament de la subvencion ne's poirà pas har qu'après signatura de la convencion peu portaire de projècte e peu President de la Comunautat País Basco o lo son representant, a condicion que totas las pèças sian estadas transmetudas.
Un exemplar déver estar tornat signat au servici de la Comunautat País Basco avent ensenhat lo dossièr. La convencion qu'ei puish transmetuda au contròle de legalitat de la Prefectura. Autanlèu recepcion de l'exemplar hèit executòri, lo versament de la subvencion qu'ei validat .