Simulacion d'installacion de panèus solars (cadastre solar)

Qu'ei qué un cadastre solar ?

Lo cadastre qu'ei ua atruna en linha qui permet de conéisher lo potenciau d'energia solara (fotovoltaïca o termica) productibla per l'installacion de panèus solars sus un teit. 

Complet e gratuit, que balha ua estimacion deu còst d'un eventuau investiment, lo montant de las subvencions envisageables, las despensas de mantenença e lo temps de retorn (durada au cap de la quau l'investiment iniciau serà amortit). 

Com har ua simulacion sus la mea teulada ?

Que podetz realizar la vòsta simulacion en quauques clics : 

• Entratz la vòsta adreça o qu'agrandeishetz dirèctament suu bastiment de la vòsta causida . Suu pic, que coneishetz las susfàcias de la vòsta teulada interessantas a espleitar. 
• Causitz si desiratz produsir electricitat (panèus fotovoltaïcs) o de la calor (panèus termics). Dens lo cas on decideishetz de produsir electricitat, lo cadastre que'vs prepausa autoconsommer o de la véner (si sobrada).
• Precisatz quauquas informacions sus la vòsta abitacion permetent d'encerclar mélher los vòstes besonhs en energia (nombre de solèrs, nombre d'aucupadors, etc.).
• Clicatz sus « Calcular la rentabilitat de la mea installacion » entà conéisher lo montant de l'investiment demandat, las economias realizadas, e lo temps de retorn sus investiment. 
• A la fin de la simulacion, lo cadastre que'vs prepausa tanben solucions entà miar a plan lo vòste projècte : contactes o ligams vèrmes deus professionaus qu'accèptas .