Portatge de repaish a domicili

En mei de hornir un repaish quotidian, la mira d'aqueth servici qu'ei tanben de rómper l'isolament, de portar ua securitat en susvelhant l'estat deu refrigerator (repaishs restants, datas de perempcion, …), d'alertar los pròches o los secors en cas de signes inquietants.

Lo servici que pòt estar mobilizat de faiçon regulara, mes tanben pontuau.

Segon los operators, qu'ei possible d'adaptar los menuts en foncion de las especificitats deu demandaire (regimes, patologias particularas…).

Qui ne pòt beneficiar ?

Tota persona atjada de mei de 60 ans o en situacion de vulnerabilitat (handicap, retorn d'espitalizacion, etc.).

L'ajuda deu CIAS País Basco n'ei pas accessibles qu'a las personas residint suus sectors seguents :

• Soul-Xiberoa
• Baigorri-Garazi
• Iholdi Oztibarre
• País de Hasparren
• País de Bidaishe

Entaus autes sectors, que prenetz contacte au près deus vòstes CCAS .

Com har la mea demanda d'ajuda ?

Tota persona interessada per aqueth servici que deu contactar l'antena deu CIAS País Basco restacada a la soa comuna.

A la sortida d'aqueth prumèr contacte, un encontre dab un referent administratiu que serà organizat au vòste domicili entà :

• efectuar ua avaloracion personalizada de la vòsta situacion ;
• estudiar las possibilitats de presa en carga ;
• recercar finançaments eventuaus.

Ua estima que serà establida e un projècte d'acompanhament adaptat aus vòstes besonhs que'vs serà prepausat .

Ajuda financèra

Lo beneficiari que pòt estar ajudat financèrament entà la presa en carga d'ua partida deu còst deu servici, en foncion deus sons revienuts.