Hons de sostien Santat

Beneficiaris

Los beneficiaris que son las entitats publicas o associacions, tot objècte confonut, domiciliadas a País Basco o dont l'accion se debana suu territòri de la Comunautat d'Aglomeracion :

• associacion lei 1901 dab la lor sedença sociau a País Basco ;
• o establiment segondari d'ua associacion nacionau, domiciliat a País Basco e dispausant d'un numèro de SIRET (autan concernit) e d'un compte bancari

Los candidats que deven justificar d'au mensh ua annada d'existéncia au moment deu depaus deu lor dossièr.

Projèctes eligibles

Au par deus finançaments existents sus la prevencion en santat e deus besonhs identificats, de las tematicas inscrivudas dens lo Contracte Locau de Santat que son estadas priorizadas entà l'annada 2024 :

• Èish 1 – Objectiu 2 : Desvolopar las accions de prevencion e d'educacion entà la santat cap aus joens autanlèu l'enfança 
• Èish 2 – Objectiu 2 : Facilitar l'accès aus suenhs entà las personas en situacion de vulnerabilitat. 
• Èish 3 - Objectiu 1 : Sensibilizar los professionaus e lo public gran aus enjòcs de santat environamentau. 
• Èish 4 – Objectiu 2 : Melhorar l'acompanhament deus aidants non professionaus de personas en situacion de handicap. 
• Èish 4 – Objectiu 3 : Desvolopar las cooperacions multi-partenariales locaus susceptiblas de contribuar au benestar e a l'integracion sociau de las personas en sofriment psiquic.

Los projèctes que deuràn respóner a las tematicas e objectius precitats, que's deuràn inscríver dens ua desmarcha partenariale e que deuràn comportar indicators de seguit e d'avaloracion pertinents.

Montant de la subvencion

• Taus : 70 % deu còst totau TTC (lhevat dens lo cas d'organizacions recuperant la TVA) de las despensas eligiblas deu projècte. Aqueth taus que poirà estar ajustat en foncion de las autas ajudas publicas percebudas suu projècte.
• Plafon / Machar : la subvencion autrejada qu'ei plafonada a 10 000 € per projècte, e lo son montant taulat qu'ei fixat a 2 000 €.

La mea demanda d'ajuda

Las demandas d'ajuda entà l'annada 2024 que son clausas despuish lo 5 de julhet .

Entà vs'acompanhar au mélher dens lo depaus de la vòsta demanda de subvencion, e d'escambiar a l'entorn deu vòste projècte, qu'ètz hèra convidats a vosauts apressar de la nosta equipa dedicada. Mercés de'ns contactar a l'adreça seguenta : cls@communaute-paysbasque.fr

Las demandas que pòden estar adreçadas e realizadas :

• per Internet, en pleant lo formulari de demanda en linha ;
• per corric a : clscomunaute-paysbasquefr en precisant en objècte corric FDS2024
• per via postau, en adreçant lo vòste dossièr atau com los justificatius obligatòris a :

Comunautat d'Aglomeracion País Basco
Direccion de las Solidaritats - Santat
15 Avienguda Foch, CS 88 507 64185 BAIONA CEDEX

Justificatius obligatòris

Entà estar complet, lo dossièr de demanda d'ajuda déver estar constituït deus documents seguents :

Documents relatius a l'estructura juridica portant lo projècte :

• Copia deus estatuts signats de l'associacion
• Fotocopia de la publicacion au Journal Oficiau
• Atestacion de non-assubjectiment a la TVA se s'escad
• Los rapòrts d'activitats deu darrèr exercici
• Entà las associacions emplegairas unicament : lo compte de resultat deu darrèr exercici claus aprovat per l'Amassada Generau e certificat peu President e lo Tesaurèr de l'organisme e lo budget previsionau de l'estructura juridica portaira deu projècte, datat e signat peu representant legau, entà l'exercici en cors
• RIB recent au medish nom qui l'estructura juridica portaira

Documents relatius a la presentacion deu projècte :

• Dossièr de demanda d'ajuda (ací-après)
• Descriptiu detalhat deu projècte, dab un calendari previsionau de realizacion
• Budget previsionau deu projècte presentat

La Comunautat d'Aglomeracion País Basco que's resèrva lo dret de demandar tota pèça complementària jutjada utila entà ensenhar la demanda.

Condicions d'atribucion e de versament

Critèris de seleccion

• Los dossièrs de demandas que seràn examinats a mesura de la lor recepcion per la Comunautat d'Aglomeracion e l'Agéncia Regionau de Santat – Delegacion Departamentau de Pirenèus Atlantics. Los projèctes qui responen a las condicions de receptibilitat que seràn seleccionats en foncion deus critèris seguents :
• La pertinéncia de l'accion per l'analisi deus besonhs,
• ua clara identificacion deus beneficiaris e deus lòcs concernits,
• l'articulacion prevista dab los programas e accions qui existeishen suu medish territòri,
• la coheréncia deu projècte : adeqüacion enter los besonhs, los objectius, lo metòde desvolopat, los mejans (financèrs, umans, de temps) e las modalitats d'avaloracion,
• la factibilitat deu projècte : qualitat de l'associacion, realisme deus objectius e deu calendari, capacitats de l'equipa intervenenta,
• un finançament realista dab pòsts de despensas e recèptas rigorosament presentats e estrictament dedicats a l'intervencion considerada (budget previsionau de l'intervencion, dont part d'autofinançament, part de finançament per autas honts e montant subvencion sollicitada).

Versament de la subvencion

• 100% de la soma acordada qu'ei versat a l'aviada deu projècte .
• Si lo projècte ei fin finau pas realizat o en devath-realizacion, la subvencion que serà anullada o tornada calcular au prorata, e un remborsament deus versaments dejà efectuats que poirà estar demandat.

L'autrei definitiu de l'ajuda que relhevarà puish d'ua decision d'atribucion deu Conselh permanent de la Comunautat d'Aglomeracion País Basco.