Contracte de progrès entà servicis publics municipaus en lenga occitan-gascon

Contèxte e enjòcs

La politica lingüistica comunautària en favor de l'occitan-gascon que's prepausa de sostiéner las iniciativas de difusion de la lenga, en tribalhant a l'insercion de l'occitan gascon dens los maines de competéncias comunaus.

La comuna estant lo malhon de proximitat dab los abitants, qu'ei un lòc estrategic d'usatge au quotidian . Per mèdi deu contracte de progrès, qu'ei acompanhada a desvolopar l'occitan gascon dens los sons servicis.

A qui s'adreça lo dispositiu ?

Aqueth dispositiu que s'adreça a totas las comunas deu territòri atau com aus sindicats de comunas.

Lo dispositiu

Après sollicitacion de las comunas, los servicis de la Comunautat País Basco que'us acompanhan dens l'elaboracion d'un diagnostic qui va perméter aus elegits d'identificar los servicis qui deuràn estar prioritaris. Lo contracte qu'ei puish prepausat e la comuna que delibèra entad ac signar. Un seguit annau qu'ei realizat en comitat de pilotatge .

L'acompanhament de la Comunautat País Basco

La Comunautat País basco que prepausa : 

• Un acompanhament tecnic entà l'elaboracion deu diagnostic e lo seguit deu contracte ;
• Un acompanhament tecnic entà l'elaboracion e l'animacion d'un plan d'accions ;
• Ua ajuda financèra a hautor de 50 % entà la formacion deus agents (còsts pedagogics) e a hautor de 50 % entaus còsts de remplaçaments deus ATSEMS (agents titulars) ;
• Ua ajuda financèra entà las traduccions de + de 300 mots : 50 % deus còsts dens lo limit de 2 000 €.

Los contractes de progrès que's materializan per ua convencion pluriannau assortida de huelhas de rota annaus fixant los delais, los budgets e las mesuras a méter en plaça entà l'aquisicion de las ressorsas necessàrias  a la començada deu bilingüisme dens los servicis identificats com prioritaris.