Ajuda a l'installacion petitas bòrdas

Contèxte

La Comunautat d'Aglomeracion País Basco qu'afirma per aqueth dispositiu d'ajudas la soa volontat d'acompanhar lo manteniment e lo desvolopament de las Bòrdas Petitas suu territòri. En efèit, las bòrdas petitas que representan près de 40% de las espleitacions agricòlas deu territòri, e lo lor ròtle qu'ei determinant en tèrmes d'amainatjament deu territòri, d'emplecs, sovent sus zònas desfavorizadas, de participacion a las desmarchas collectivas, de produccion devath signe oficiau de qualitat e de transformacion a la bòrda. Totun, las lors fragilitats que son conegudas e ua disparicion de 23% de las Bòrdas Petitas deu territòri País Basco enter 2010 e 2020 n'a pas podut estar evitada.

Entà temptar d'invertir aquera tendéncia, lo Conselh Comunautari deu 23 de març de 2024 qu'a votat un prumèr dispositiu de sostien ad aqueras bòrdas petitas e en particular ua ajuda a l'installacion d'un montant de 3 000€. 

Projèctes eligibles

L'ajuda a l'installacion petitas bòrdas que pòt estar sollicitat unicament l'annada de la vòsta installacion e dab ua retroactivitat au prumèr de genèr de 2024 entà l'annada 2024.

Entà beneficiar de l'ajuda a l'installacion de la CAPB, lo candidat que deu plear duas condicions d'eligibilitat :

1. Dispausar arrestat relatiu a l'atribucion de la DNJA per la Region Navèra Aquitània servici instructor 
2. Entrar dens la definicion de las Petitas Bòrdas votada en Conselh Comunautari de la CAPB lo 9/12/2023 (véder tablèu ací devath)

Definicion de las Bòrdas Petitas

Los 3 critèris seguents que's deven cumular.  

Entà las installacions HCF (Hòra Quadre Familiau) e NIMA (non gessit deu miei agricòla), sols los critèris n°2 e n°3 que seràn demandats .

                *UTA = Unitat Tribalh Agricòla qui compren l'espleitador(s) e lo(s) salariat(s).

                **Montant ajudas 1 ^er pielar de la PAC : totau de las ajudas 1^er pielar en i dedusint l'ACJA

Montant de l'ajuda a l'installacion

Si las condicions ací dessús son complidas, que podetz beneficiar de l'ajuda a l'installacion qui ei de 3000€.

La mea demanda d'ajuda

Las candidaturas que  son obèrtas tota l'annada .

Las demandas que deven estar adreçadas a la Direccion Agricultura, Agroalimentari, Pesca e Alimentacion de la Comunautat País Basco :

• Per corric a : m.goyhenetchecommunaute-paysbasquefr
• Per corrièr a : 

Comunautat d'Aglomeracion País Basco
Direccion Agricultura, Agroalimentari, Pesca e Alimentacion
15, avienguda deu Maréchal Foch - CS 88 507 64 185 BAIONA CEDEX

Pèças justificativas 

Los dossièrs de candidatura que deven comportar las pèças justificativas seguentas :

• Copia de l'arrestat atributiu DNJA deu Servici Instructor de la Region Navèra Aquitània ;
• Copia de l'atestacion MSA (mensh de 6 mes) ;
• Si forma societari : copia deus estatuts ;
• Entà las installacions dens lo Quadre Familiau :
  • entau critèri portant sus la SAU : copia deu document « PAC recapitulatiu deus assolaments » ;
  • Entau critèri portant suu montant maximum de las ajudas deu 1èr pielar de la PAC : copia deu document  « PAC Relhevat de situacion de la campanha precedenta » (darrèr document recebut) ;
  • Entau critèri portant sus la Chifra d'Ahars / UTA : « Declaracion de revienut ».
• Entà las installacions Hòra Quadre Familiau NIMA :
  • Copia deu PDE Plan de Desvolopament de l'Enterpresa depausat entà l'obtencion de la DNJA au servici instructor de la Region Navèra Aquitània.   
• Autan tribalhaire exterior : copia de la declaracion de revienut ;
• Atestacion de las minimis signada (Annèxa 1) ;
• Relhevat d'Identitat Bancària (RIB) ;
• Corrièr signat e datat de sollicitacion de l'ajuda installacion Petitas Bòrdas de la CAPB.

Telecargar lo dossièr de candidatura

Condicion d'atribucion e de versament de l'ajuda

A recepcion deu dossièr complet, ua instruccion que serà realizada peus servicis de la Comunautat País Basco, au par deus critèris indicats dens lo reglament. Si lo dossièr ei recevable, ua convencion precisant las modalitats de versament que serà establida autanlèu passatge en Conselh Permanent e comunicada au portaire de projècte entà signatura.