Ajuda a l'engenheria entà l'amainatjament de las comunas

Quau ei l'objècte de l'ajuda ?

Entà respóner aus besonhs exprimits peus elegits deu territòri, la Comunautat País Basco qu'a metut en plaça autanlèu 2017 un servici d'engenheria territoriau en supòrt a las comunas entaus lors projèctes d'amainatjament.

Aquera mission que traduseish la volontat politica qui a per mira de perméter a totas las comunas de bénéficier d'un supòrt entaus lors projèctes estructurants acostats sustot a las politicas publicas comunautàrias d'abitat, de mobilitat, d'amainatjament deu territòri, d'energia…

• Un apròchi en « mòda projècte » assegurant la complementaritat de l'ensemble de las tematicas au servici deu projècte globau d'amainatjament ;
• Un fons de concors « estudis preliminars en matèria d'amainatjament » modulat segon lo potenciau financèr de la comuna e podent anar dinc a 50% deu montant deus estudis ;
• Un servici gratuit a la disposicion de las comunas ;
• Un servici interfàcia enter las politicas estrategicas comunautàrias e los projèctes comunaus.

Quaus tipes de prestacions ?

• Observacion e ajuda au diagnostic ;
• Elaboracion d'estrategia, concepcion de projèctes e atrunas, planificacion, avaloracion ;
• Estudis de factibilitat : oportunitat,  prat programa, programa ;
• Recèrca de finançaments ;
• Conselhs ;
• Supòrt a mestresa d'obratge.

Quaus son las comunas eligiblas ?

Aquera ajuda qu'ei reservada a totas las comunas de la Comunautat País Basco de mensh de 12 500 abitants.

La mea demanda d'ajuda

Ua desmarcha en 4 estapas :

1- Demanda d'intervencion

La comuna que sasí lo responsable tecnic deu Pòle per corric o corrièr (contactes abituaus) entà ua demanda d'acompanhament a un projècte d'amainatjament.

2 - Analisi de la demanda

Lo pòle territoriau qu'analisa la receptibilitat deu projècte au par deus critèris deu reglament d'intervencion e qu'ac reorienta autan necessària .

3 - Proposicion de mission

Lo cap de projècte designat qu'encontra la comuna, que redigeish lo rapòrt de visita, precisa la comanda, los contorns deu projècte e que l'envia entà validacion a la comuna . Si acòrd, la comuna que renvia la fiche de quadratge acceptada. 

4 - Validacion de l'intervencion

Lo projècte qu'ei presentat en comitat de validacion compausat deus elegits de la DGA « Estrategia Territoriau Abitat Amainatjament ». Quan lo projècte implica ua participacion financière de la Comunautat, aqueste qu'ei presentat a la deliberacion deu Conselh comunautari .