Ajuda a las comunas entà l'amainatjament deus punts d'arrèsts

Presentacion de l'ajuda

Los articles 45 e 46 de la lei n°2005-102 de l'11 de heurèr de 2005 relativa a l'egalitat deus drets e deus astres qu'impausan l'elaboracion e la començada d'un esquèma director d'accessibilitat.

Lo Sindicat de las Mobilitats País Basco-Ador (SMPBA), autoritat organizatritz deus transpòrts, qu'ei cargada de l'aplicacion d'aquera lei e donc de definir de las modalitats d'accessibilitat deu hialat urban.

Que's traduseish per ua envolopa budgetària compresa enter 100 000 e 200 000 euros.

Condicions d'eligibilitat

L'ajuda que s'adreça a las 161 comunas deu ressòrt territoriau deu Sindicat de las Mobilitats País Basco-Ador (158 comunas de la Comunautat País Basco, Ondres, Tarnòs e Sent Martin de Senhans).

Las despensas eligiblas

Lo reglament d'intervencion deu SMPBA qu'indica la reparticion budgetària : 

• Estacions posicionadas suus èishs de Transpòrt collectiu en site net (TCSP) : presa en carga a 100% peu mèste d'obratge de l'infrastructura ;
• En dehòra deus èishs de TCSP : 60% entau gestionari de vias (Departament, comuna) e 40% entau SMPBA dab un maximum de 5000 euros per arrèst.

La despensa annau qu'ei avalorada enter 100 000 e 200 000 euros, sia 10 a 20 punts d'arrèst per an sus la basa d'un còst mejan de las òbras de mesa a las nòrmas de 10 000 a 15 000 euros per arrèst.

La mea demanda d'ajuda

Las demandas que's descompausan en 2 temps :

• Un projècte d'amainatjament deu (deus) pas(s) d'arrèst (nivèu d'estudi avantprojècte) que deurà estar adreçat aus servicis deu SMPBA (contactes abituaus) entà validacion tecnica au par deu referenciau d'amainatjament deus punts d'arrèst ; 
• Après realizacion de las òbras, un dossièr complet que serà a transméter au SMPBA. Que comprenerà ua nòta tecnica, un plan de localizacion, los plans d'amainatjament de l'arrèst e l'estat de liquidacion detalhat deu montant de las òbras.