Ajuda a las comunas entà la creacion d'un servici Lenga basca

Contèxte e enjòcs

La politica lingüistica comunautària que's prepausa d'encoratjar la transmission e l'usatge de la lenga basca en tribalhant a l'organizacion d'ua auhèrta bilingua dens los servicis a la populacion.

Dens las comunas en mei 10 000 abitants, la preséncia d'un tecnician lenga basca dens los servicis municipaus que constitueish la faiçon mei eficaça e ambiciosa de desvolopar locaument ua politica lingüistica. La Comunautat País Basco que pòt portar ua ajuda a l'amorsatge e au desvolopament de servicis lenga basca comunaus.

En 2024, gràcias ad aqueth dispositiu, 7 comunas que son  dotadas d'un servici lenga basca : Baiona, Biàrritz, Kanbo, Hendaia, Sare, Sent Joan de Lutz e Urrugne.

A qui s'adreça lo dispositiu ?

Aqueth dispositiu que s'adreça mei especificament a las comunas de mei de 10 000 abitants, mes que demora mobilizader per las comunas de talha mejana, dab possibilitats de mutualizacion deu servici enter mantua comuna.

L'acompanhament de la Comunautat País Basco

La Comunautat País basco que prepausa a las comunas ua participacion financèra entà la creacion d'un pòst de tecnician de faiçon degressiva sus 3 ans, dens lo limit de :

• 15 000 € la prumèra annada ;
• 10 000 € la dusau annada ;
• 5 000 € la tresau annada.

Aquera ajuda que pòt estar proporcionada au temps de tribalh deu tecnician.

Los servicis de la CAPB que pòden ajudar a la co-construccion deu projècte de politica lingüistica comunau e a l'elaboracion de la convencion d'associacion. L'agent comunau intègre puish lo hialat deus tecnicians lenga basca comunaus.