Ajuda a las comunas entà la creacion d'infrastructuras ciclablas

Presentacion de l'ajuda

L'un deus principaus lhevaders entà desvolopar los desplaçaments en bicicleta au quotidian que consisteish a desplegar hialats ciclables continús e securizats sus l'ensemble deus territòris. Aqueth dispositiu financèr que consisteish a acompanhar los gestionaris de vias dens l'amainatjament d'infrastructuras ciclablas continuas e securizadas e d'assegurar lo malhatge deu territòri dens ua logica de hialat ciclable País Basco-Ador.

Condicions d'eligibilitat

Aquera ajuda que s'adreça a l'ensemble deus mèstes d'obratges publics gestionaris de vias relhevant deu ressòrt territoriau deu Sindicat de las Mobilitats País Basco Ador (SMPBA). Lo sostien financèr qu'ei portat devath resèrva de las condicions seguentas : 

• L'inscripcion de l'amainatjament dens ua desmarcha d'amassa d'esquèma ciclable departamentau, intercomunau o comunau ;
• L'inscripcion de l'amainatjament dens ua logica d'itinerari ciclable continú e securizat ; 
• La mesa en plaça d'ua senhalizacion direccionau ;
• Part d'autofinançament minimum de 20%.

Las despensas eligiblas

Lo nivèu d'intervencion maximum deu SMPBA qu'ei definit en foncion deu caractèr estructurant o segondari de l'itinerari suu quau se situa l'amainatjament, sus la basa deus taus e plafons seguents : 

La mea demanda d'ajuda

Qu'ei esperat deu mèste d'obratge de formalizar ua candidatura unica a l'escala deu projècte/de l'itinerari.

Lo dossièr de candidatura que deu contiéner las pèças seguentas : 

• Un corrièr deu representant legau de l'estructura ;
• Ua deliberacion deu mèste d'obratge aprovant lo projècte e las òbras inerentas a l'amainatjament previst ;
• Esquèma ciclable de referéncia e a defaut ua nòta (+/- 15 linhas) descriptivas deus enjòcs e deus objectius esperats en tèrmes de desplaçament en bicicleta au quotidian ;
• Ficha descriptiva deu projècte, qui compren sustot : 
  • Ua descripcion tecnica deu projècte
  • Un budget e un plan de finançament
  • Un calendari de realizacion
• Ficha descriptiva deus còsts ;
• Pèças complementàrias :
  • Estudis preliminars e estudis d'avantprojècte, a defaut lo contienut de l'estudi mirat (CCTP, DCE) ;
  • Plan de situacion e cartografia de l'itinerari ;
  • Copas de principis, perfius en travèrs e en long per tròç omogenèu ;
  • Los plans d'execucion o a minima los plans d'avantprojècte ;
  • Listas de las autorizacions necessàrias/obtienudas.

Lo dossièr de candidatura que deu estar transmetut per via desmaterializada au servici Mobilitats Activas e Partatjadas deu SMPBA (contactes abituaus), abans lo lançament de la fasa de las òbras. Lo mèste d'obratge que pòt totun sollicitar, per corrièr signat deu son representant legau, ua autorizacion d'aviada de las òbras anticipada au près deu president deu SMPBA, abans de finalizar la soa candidatura au present RI.