Ajuda a la crompa d'un récupérateur d'aiga de ploja
Dinc a 1500€ d'ajuda entà la crompa de tot tipe de récupérateur d'aiga de ploja (hòra sòu o enterrats). Shens condicion de ressorsas. Lo montant de la subvencion que depend de la contienença de l'equipament .
Actualizat lo : 27 November 2024
Ouvert a las candidaturas Recevable tota l'annada
Ajuda financèra
Realizable per internet
Publics eligibles
- L'ajuda qu'ei acordada a tot titular d'un contracte dab lo servici de l'aiga de País Basco ;
- Lo titular que pòt estar un particular, ua enterpresa, ua associacion, etc. ;
- Que deu aver aquerit un récupérateur d'aiga de ploja a partir deu 1 er julhet de 2023 ;
- L'ajuda n'ei pas sosmetuda a condicion de ressorsas .
Tipes d'equipaments eligibles
L'ajuda que s'aplica a tot tipe d'equipament (materiau hòra-sòu, materiau enterrat), quau que sia la soa contienença, atau com a las soas despensas eventuaus d'installacion.
Entaus cabeders superiors a 1000 L, lo demandaire que deurà declarar si a obtienut ua ajuda financèra d'ua auta institucion publica (departament, Estat, etc.) e n'indicar lo montant.
Montant de las ajudas
| Contienença (en litres) | Montant de la subvencion | Plafon de l'ajuda | Condicions |
|---|---|---|---|
| Equipaments d'ua contienença inferiora o egau a 1000 L | 50 € | 50 € | S'engatjar a redusir las soas consomacions d'aiga |
| Equipaments d'ua contienença superiora a 1000 L (fresc d'installacion comprés) | 50 % de la rèsta a carga, après deduccion de las autas ajudas publicas | 1500 € | S'engatjar a redusir las soas consomacions d'aiga |
Exemples :
- si avetz crompat un récupérateur de 300 L a 155 €, l'ajuda versada que serà de 50 €.
- si avetz crompat un récupérateur de 2000 L a 3000 €, pausa qu'includesca, e que lo departament vs'a acordat ua ajuda de 1000€, l'ajuda versada per la Comunautat País Basco que serà tanben de 1000 € (3000-1000=2000 x 50/100=1000)
La mea demanda d'ajuda
Las demandas que pòden estar adreçadas tota l'annada e realizadas :
- per Internet, en pleant lo formulari de demanda d'ajuda entà la crompa d'un récupérateur d'aiga de ploja ;
- per via postau, en adreçant lo vòste dossièr atau com los justificatius obligatòris a :
Comunautat d'Aglomeracion País Basco
Direccion Aiga e Assaniment
15 Avienguda Foch, CS 88 507 64185 BAIONA CEDEX
Justificatius obligatòris
- Factura(s) nominativa(s) aquitada(s) relativa(s) a l'aquisicion e l'installacion d'un récupérateur d'aiga de ploja ;
- RIB (relhevat d'identitat bancària).
Notícia tecnica a léger abans tota installacion o utilizacion d'un récupérateur d'aiga de ploja
- Notice technique d'installation et d'utilisation d'un récupérateur d'eau de pluie PDF - 2 pages - 217,42 Ko
Condicions d'atribucion e de versament de l'ajuda
Instruccion de las demandas
A recepcion de las demandas, los dossièrs que son ensenhats per la Comunautat País Basco .
- Lo vòste dossièr qu'ei complet : L'acceptacion deu vòste dossièr que vs'ei significada per corrièr .
- Lo vòste dossièr qu'ei incomplet : Los servicis de la Comunautat País Basco que'vs significan per email las pèças mancantas o incorrèctas .
- Lo vòste dossièr qu'ei refusat : Los servicis de la Comunautat País Basco que'vs significan per corrièr las rasons d'aqueth refús .
Pagament
Lo pagament qu'ei realizat per virament bancari suu compte deu beneficiari.
Contrapartida deu beneficiari
En contrapartida deu versament de l'ajuda, lo beneficiari que s'engatja a :
- entertiéner regularament la soa installacion entà la mantiéner en bon estat de foncionament ;
- seguir e redusir dens la durada la soa consomacion d'aiga bevedera.
Usatges reglamentats
Que retrobaratz sus la pagina « Que reütilizi las aigas de ploja » de las informacions sus las obligacions d'utilizacion deus vòstes equipaments atau com conselhs practics entà installar e entertiéner lo vòste materiau.