Eusko Eguna que hesteja la moneda locau lo 12 d'abriu a Espelette

Presentacion

Com cada annada, Eusko Eguna que serà ua jornada federatora, rica en encontres e escambis, qui veirà se crotzar las generacions dens un ambient hestiu e calorós. Autanlèu 10h, que serà possible de córrer lo mercat bordièr e artisanau, chinar au vueit-solèr, descobrir lo vilatge associatiu e participar a de nombrosas activitats e animacions qui regaudiràn petits e grans. Ua plaça particulara qu'ei estada reservada aus mainatges, qui's poiràn amusar e s'esmiraglar tota la jornada : jòcs de pista, « escape street », passejadas a esquias d'ases, jòcs de quermessa, fotbolet gigant, alargada de rapaç, etc.

A partir deu desplegament de l'Eusko dens los servicis municipaus de Biàrritz, e de l'experiéncia novatora de securitat sociau de l'alimentacion a Bordèu se prement la moneda locau La Gemma, los intervienents de la conferéncia de 11h que s'interessaràn au potenciau de las monedas locaus entà transformar positivament lo lor territòri.

Côté restauracion, lo d'ara enlà famós « Dejudisnar paisan », elaborat dab produits locaus e animat per Herrian Kantuz, ce serà un còp de mei victima de la soa escaduda ? Egaument a non pas mancar : las animacions culturaus deu vrèspe, dab un concèrt de Gurashow e l'espectacle de dança Badoa per l'ensemble Neskena. Fin finau, Mutxi’kool que harà la transicion dab la serada concèrts .

Lo programa de la jornada que s'enriqueish d'ua serada excepcionau : Gatibu, qui a anonciat la soa separacion entà la fin de l'annada, que serà lo cap d'aficha d'Eusko Eguna ! Lo grop de Gernika que serà egaument acompanhat peus souletins de Xiberoots qui presentaràn lo lor darrèr album, e DJ Üzkülüz entà acabar la serada en beutat !

Informacion importanta entà retorns en securitat : navetas que tornaràn lo public gratuitament dens las vilas e vilatges entorns, e un campatge que serà metut a disposicion de las mei vaillant·es qui perlongaràn la serada a la sala Ñapurrak.

Au delà de la soa hèsta annau, la moneda locau de País Basco, l'Eusko, que persegueish lo son desvolopament, au benefici deu territòri. Hòrt mei qu'ua moneda, qu'ei ua atruna, vector de ligam sociau e de solidaritat, au servici d'ua transformacion culturau, economica e ecologica. Un vertadèr hialat portaire de valors qui met endavant las alternativas qui faiçonan lo territòri.

Programacion completa e préventes deus concèrts : euskalmoneta.org