L'Escòla superiora d'art País Basco qu'obreish las soas pòrtas lo 22 de heurèr vienent

Lo dissabte 22 heurèr vienent a Biàrritz e Baiona, l'Escòla superiora d'art País Basco qu'organiza las soas pòrtas obèrtas . De 10h a 18h, los visitaires qu'auràn l'oportunitat de córrer los diferents espacis pedagogics, descobrir las formacions prepausadas e escambiar dab los ensenhants e estudiants. Los secretariats pedagogics que seràn egaument mobilizats entà respóner a las questions administrativas e informar sus las modalitats d'admission.

Otra las visitas guidadas, los visitaires que poiràn descobrir las produccions deus estudiants per tusts presentant las lors òbras. Aqueras exposicions que permeten d'arrestar la diversitat deus projèctes e de compréner mélher las especificitats de la formacion.

Ua formacion artistica exigenta e reconeguda

L'ESAPB, sostienuda per la Comunautat d'Aglomeracion País Basco, que prepausa formacions en art de nivèu Bac+3 (Diplòma Nacionau d'Art - grade licéncia) e Bac+5 (Diplòma Nacionau Superior d'Expression Plastica). Qu'auhereish egaument duas classas preparatòrias : la Classa preparatòria Art e la Classa preparatòria Design, destinadas aus estudiants mirant los concors de las escòlas granas d'art e de design.

L'ensenhament qu'ei dispensat sus quate sites distints : la Ciutat de las Arts a Baiona, la Villa de las Rocalhas, la Bugaderia e la Villa Robinson a Biàrritz. Cadun d'aqueths lòcs qu'auhereish deus equipaments variats : talhèrs de pintrura, espacis de volume, estúdios de fotografia e de video, salas de montatge o enqüèra auditòri entà las conferéncias e los encontres dab artistas convidats.

L'establiment que s'inscriu dens mantun hialat nacionau d'ensenhament artistic, ahortint atau lo son arrajòu e las soas collaboracions dab autas escòlas.

Jornada pòrtas obèrtas Escòla Superiora d'art País Basco

Dissabte 22 de heurèr de 2025
10h - 18h
> Baiona - CITAT DE LAS ARTS - 3 av. Jean Darrigrand
> Biàrritz - VILLA DE LAS ROCALHAS - 11 carrèra Pierre Moussempès