L'agricultura paisana e duradissa en lutz a Lurrama
Lo 19au salon de l'agricultura paisana e duradissa de País Basco que's tienerà a la Hala d'Iraty de Biàrritz deu 08 au 10 de noveme de 2024. Lo tèma aquera annada que prepausa de « Víver e se neurir d'agricultura paisana » e qu'aurà entà region convidada Corsega .
Actualizat lo : 6 December 2024
Lo salon de l'agricultura paisana e duradissa que torna aquera annada a la Hala d'Iraty de Biàrritz deu 08 au 10 de noveme. Ua edicion navèra qui desira méter l'accent suus ligams enter modèle agricòla duradís e alimentacion.
Conferéncias, taulas redonas e projeccions que seràn au programa, dab per exemple la conferéncia « l'alimentacion, ua istòria politica qui's repeteish cada dia ! » lo dissabte 9, animada per Karine Jacquemart, directora de Foodwatch e convidada d'aunor d'aquera edicion 2024.
Lo dimenge 10 de noveme lo documentari " l'urgéncia de l'alternativa" de Laurence Fleury que serà projectat, metent en lutz tres projèctes experimentaus qui's vòlen de las alternativas au sistèma, dab sustot un focus sus l'istòria d'EHLG, Euskal Herriko Laborantza Ganbara, associacion creada en 2005 a País Basco entà deféner ua agricultura paisana e duradissa.
Deus productors bordièrs, sustot vienuts de Corsega, la region convidada d'aquera edicion navèra, que seràn amassats . Dens un taulèr dedicat, presat deus mainatges, divèrsas raças d'animaus de bòrdas que seràn d'un aute costat expausadas .
E la gastronomia que serà aquera annada enqüèra de la hèsta dab los tradicionaus repaishs animats, dont lo famós repaish deus caps dimenge mieidia.
Mei d'informacions suu programa : www.lurrama.org